Hitmixes — ამერიკელ პოპ მომღერალ და სიმღერების ავტორ ლედი გაგას მეორე EP, რომელიც გამოიცა 2009 წლის 25 აგვისტოს მხოლოდ კანადაში, ლეიბლზე Universal Music Canada. მასში შესულია 1980-იანი წლების ჰაუს მუსიკით შთაგონებული რემიქსები გაგას სადებიუტო ალბომიდან The Fame (2008). ალბომზე გაგამ ითანამშრომლა სხვადასხვა პროდიუსერებთან, მათ შორის RedOne-თან და Space Cowboy-სთან. ალბომმა კრიტიკოსების მხრიდან დადებითი შეფასება დაიმსახურა და დაიკავა მერვე პოზიცია ბილბორდის კანადის ალბომების ჩარტში.
2008 წლის აგვისტოში გამოვიდა გაგას სადებიუტო ალბომი The Fame.[1] რომლიდანაც გამოიცა ხუთი სინგლი — Just Dance, Poker Face, Eh, Eh (Nothing Else I Can Say), LoveGame და Paparazzi. იქიდან გამომდინარე, რომ Eh, Eh (Nothing Else I Can Say) არ გამოიცა როგორც სინგლი ჩრდილოეთ ამერიკაში, ამიტომ მისი რემიქსი არ არის ალბომში Hitmixes. დანარჩენი ოთხი სინგლი ყველა მოხდვა კანადის ცხელი ასეულის ტოპ სამში.[2] ალბომისათვის გაგამს მთავარმა პროდიუსერმა RedOne გაარემიქსა სიმღერა Just Dance. ასევე ალბომში წარმოდგენილია Robots to Mars-ის, Chew Fu-ს, Space Cowboy-ის, Moto Blanco-ს და Guéna LG-ს რემიქსები. Hitmixes გამოცა მხოლოდ კანადაში კომპაქტ დისკის და ციფრული ჩამონატვირთის ფორმატით ლეიბლზე Universal Music Canada.[3][4] ალბომში შესულია 1980-იანი წლების ჰაუს მუსიკით შთაგონებული რემიქსები. ამერიკელმა როკ მომღერალმა მერილინ მენსონმა მიიღო მონაწილეობა სიმღერა LoveGame-ის რემიქსში.[5]
↑„Giveaway“. Times-Colonist. Postmedia Network. 27 აგვისტო, 2009. p. C3. ციტატა: „Lady Gaga's new release, Hitmixes, is only available in Canada, and includes Just Dance, Poker Face, LoveGame, and Paparazzi“ შეამოწმეთ თარიღის პარამეტრი |date=-ში (დახმარება)
