მირიამ სპიტერი დებონო
| მირიამ სპიტერი დებონო | |
| მალტის პრეზიდენტი | |
|---|---|
| ამჟამინდელი თანამდებობა | |
| დაიკავა | 4 აპრილი, 2024 |
| პრემიერ-მინისტრი | რობერტ აბელა |
| წინამორბედი | ჯორჯ ველა |
მალტის პარლამენტის სპიკერი | |
| თანამდებობაზე ყოფნის დრო | |
| 1996 – 1998 | |
| პრემიერ-მინისტრი | ალფრედ სანტი |
| წინამორბედი | ლოურენს გონცი |
| მემკვიდრე | ენტონ ტაბონე |
| დაბადებული | 25 ოქტომბერი, 1952 ვიქტორია, გოცო, მალტა |
| მეუღლე | ენტონი სპიტერი დებონო |
| შვილები | 3 |
| განათლება | მალტის უნივერსიტეტი |
| საქმიანობა | პოლიტიკოსი |
მირიამ სპიტერი დებონო (დ. 25 ოქტომბერი, 1952[1]) — მალტელი პოლიტიკოსი, მალტის პრეზიდენტი, თანამდებობა დაიკავა 2024 წლის 4 აპრილს.[2] იგი პირველი გოცოელი ქალია, რომელიც ამ თანამდებობაზე აირჩიეს. 1996-1998 წლებში მალტის წარმომადგენელთა პალატის სპიკერი,[3][4] და პირველი ქალი ამ თანამდებობაზე.[5]
ბიოგრაფია
[რედაქტირება | წყაროს რედაქტირება]სპიტერი დებონო დაიბადა ვიქტორიაში, კ. გოცო. განათლება მიიღო გოცოში და მოგვიანებით გახდა მალტის უნივერსიტეტის სტუდენტი, სადაც სწავლობდა ინგლისურ ლიტერატურასა და ლინგვისტიკას. უნივერსიტეტი დაამთავრა 1973 წელს.[6] იგი ასევე სწავლობდა სამართალს და დაამთავრა ნოტარიუსის წოდებით 1980 წელს.[2][6]
იგი იყო მალტის ლეიბორისტული პარტიის კანდიდატი ხუთ საყოველთაო არჩევნებში (1981, 1987, 1992, 1996, 2003), მაგრამ არასოდეს აურჩევიათ.[7] 1982 წელს აირჩიეს პარტიის ეროვნული აღმასრულებლის თანამდებობაზე.[6] სპიტერი დებონო მუშაობდა ლეიბორისტული პარტიის ქალთა ორგანიზაციის პრეზიდენტად 1993-1996 წლებში.[8][9]
1996 წლის სექტემბერში დაინიშნა მალტის წარმომადგენელთა პალატის სპიკერად. იგი იყო პირველი ქალი, რომელიც ამ თანამდებობაზე დაინიშნა მალტაში.[10][5]
2024 წლის 21 მარტს ცნობილი გახდა, რომ იგი იქნებოდა მალტის პრეზიდენტობის ერთადერთი კანდიდატი.[11][12] მომდევნო კვირას ეს დადასტურდა პრემიერ-მინისტრისა და ოპოზიციის ლიდერის მიერ გავრცელებული ერთობლივი განცხადებით.[13] მალტის წარმომადგენელთა პალატამ 2024 წლის 27 მარტს ერთხმად დაუჭირა მხარი სპიტერი დებონოს არჩევას მალტის მე-11 პრეზიდენტად.[2]
სპიტერი დებონო მესამე ქალია, რომელიც მალტის პრეზიდენტი გახდა, აგათა ბარბარასა და მარი-ლუიზ კოლეირო-პრეკას შემდეგ.[14] იგი ასევე არის მესამე ადამიანი კუნძულ გოცოდან, რომელიც დაინიშნა აღნიშნულ თანამდებობაზე, ანტონ ბუტიჯიჩისა და ჩენსუ ტაბონეს შემდეგ.[2]
პირადი ცხოვრება
[რედაქტირება | წყაროს რედაქტირება]სპიტერი დებონო თავისი ცხოვრების უმეტესი ნაწილი ცხოვრობდა ბირკირკარაში, მალტა. დაქორწინებულია ნოტარიუს ენტონი სპიტერი დებონოზე და ჰყავთ სამი შვილი.[9]
სქოლიო
[რედაქტირება | წყაროს რედაქტირება]- ↑ MIN HI MYRIAM SPITERI DEBONO (in Maltese)
- ↑ 2.0 2.1 2.2 2.3 Magri, Giulia. (2024-03-27) Parliament Unanimously Approves Myriam Spiteri Debono as Malta’s next President en-gb. ციტირების თარიღი: 2024-03-27
- ↑ Parlament Ta' Malta. დაარქივებულია ორიგინალიდან — 13 დეკემბერი 2014. ციტირების თარიღი: 4 June 2017.
- ↑ Parliament’s Standing Orders ‘only stencilled papers’ - The Malta Independent. ციტირების თარიღი: 4 June 2017.
- ↑ 5.0 5.1 Kristy Debono to chair this evening’s plenary session. ციტირების თარიღი: 4 June 2017.
- ↑ 6.0 6.1 6.2 Meilak, Nicole. Who is Myriam Spiteri Debono, the former Speaker set to become the next President? en. ციტირების თარიღი: 2024-04-01
- ↑ Newsroom, T. V. M.. (2024-03-28) Notary Myriam Spiteri Debono is Malta's third female President and third Gozitan president en-GB. ციტირების თარიღი: 2024-03-29
- ↑ Ltd, Allied Newspapers. Press digest. ციტირების თარიღი: 4 June 2017.
- ↑ 9.0 9.1 Zammit, Mark Lawrence. (2024-03-31) What do they think of Myriam Spiteri Debono? en-gb. ციტირების თარიღი: 2024-03-31
- ↑ Speaker of the House - Hon. Myriam Spiteri Debono, Eighth Legislature (1996 - 1998).
- ↑ Grech, Herman. (2024-03-21) Myriam Spiteri Debono is frontrunner to become next President of the Republic en-gb. ციტირების თარიღი: 2024-03-21
- ↑ Sansone, Kurt. Myriam Spiteri Debono could be the next president en. ციტირების თარიღი: 2024-03-21
- ↑ Arena, Jessica. (2024-03-26) Government and Opposition in agreement on Presidential picks en-gb. ციტირების თარიღი: 2024-03-26
- ↑ Teuma, Owen (27 March 2024). „Id-deputati kollha tal-Parlament jivvutaw favur Myriam Spiteri Debono bħala President“.