Tipografi
Tipografi (uga dikenal istilah seni cétak utawa tata huruf) yaiku kabèh ilmu babagan huruf.[1] Gunané tipografi iku kanggo nyiptaaké susunan huruf supaya basa tulis bisa dadi jelas, kewaca, lan apik yèn ditampilaké. Setèlan huruf iki kalebu bab milih modhèl huruf, ukuran huruf, dawané baris, let-letané baris lan huruf, kaliyan bab let khusus antarané loro huruf khusus. Istilah tipografi uga digunaaké ngerujuk bab gaya, susunan lan tampilan huruf-huruf, angka-angka, utawa simbol-simbol sing diciptaaké liwat prosès tartamtu. Desain huruf iku bidang sing cedhak banget karo dunya pakaryan, kadhangkala dianggep bagéan saka tipografi iku déwé. Nanging, biasané tipografer ora ngelakoni desain huruf, lan sebagéan desainer huruf ora ngaku dadi tipografer.[2][3]