Le Mont Saint Michel
48°38′8″N 1°30′40″V / 48.63556°N 1.51111°V
Mont Saint Michel (Mont Saint Miché á normönnsku, Mont Saint-Michel á frönsku) er lítil klettótt örfiriseyja í Normandí sem hýsir þorp og fræga klausturkirkju. Normannar byggðu Mont Saint Michel úr steini frá Chausey og Caen í Normandí. Undir flestum byggingum leynast lög af fornum kirkjum sem byggðar voru frá 10. öld til 16. aldar og oft hver ofan á aðra, þannig að saga hennar og kristninnar er æði löng. Arkítektúrinn er blanda af rómönskum og gotneskum stíl Normanna i gegnum aldirnar. Á spíru aðalkirkjunnar trónir gullstytta af Míkael erkiengli, sem er verndardýrlingur Normanna, en hún er alls 155 metra yfir sjávarmáli. Styttan var hönnuð af listamanninum Emmanuel Frémie.