Kynsegin
Kynsegin er hugtak sem nær yfir fólk sem skilgreinir kyn sitt utan tvíhyggju kynjakerfisins (og er því einnig trans). Sumt kynsegin fólk er t.d. karlkyns og kvenkyns, annað hvorki karlkyns né kvenkyns eða skilgreinir ekki kyn sitt. Kynsegin er því í raun regnhlífarhugtak undir regnhlífarhugtakinu trans. Kváradagurinn, dagur kynsegin fólks á Íslandi, er haldinn á fyrsta degi einmánaðar.[1]
Orðanotkun
[breyta | breyta frumkóða]Sumt kynsegin fólk kýs að notuð séu kynhlutlaus persónufornöfn á borð við hán í staðinn fyrir hann eða hún þegar rætt er um það. Annað kynsegin fólk notar hann eða hún; það er persónulegt val hvers og eins. Hið sama má segja um beygingar lýsingarorða; sumt kynsegin fólk kýs að notað sé hvorugkyn (til dæmis: ég er svangt) en annað kynsegin fólk notar kvenkyn eða karlkyn.[2]
Nýyrðið kvár er gjarnan notað yfir fullorðið kynsegin fólk og er hliðstæða orðanna karl og kona. Að sama skapi er nýyrðið stálp hliðstæða orðanna stelpa og strákur. Orðin unnu hýryrðasamkeppni Samtakanna '78 árið 2020.[3]
Tilvísanir
[breyta | breyta frumkóða]- ↑ „Stofnaði sinn eigin hátíðisdag fyrir kynsegin fólk“. www.frettabladid.is. Sótt 22. mars 2022.
- ↑ „Kynsegin“. Hinsegin frá Ö til A. Sótt 4. september 2019.
- ↑ Arnarsson, Daníel (21. janúar 2021). „Hýryrði 2020 - niðurstöður“. Samtökin '78. Sótt 22. mars 2022.