Olimpiala Ludi en Paris, 1900
L'Olimpiala Ludi en Paris, 1900, od oficale la 2ma Olimpiala Ludi, esis internaciona plursporta konkurso qua eventis en 1900 en Paris, Francia. Lor unesmafoye la Ludi eventis exter Grekia.
En 1895, barono Pierre de Coubertin propozis ke Paris gastigez l'unesma Olimpiala Ludi, qui eventos en 1900. La delegitaro aceptis Paris kom eventeyo en 1900, ma anticipis l'unesma Olimpiala Ludi moderna por 1896 en Athina, Grekia.
La 2ma Olimpiala Ludi eventis dum la Mondala Ferio di 1900 en Paris, nomizita Exposition Universelle. Barono Pierre de Coubertin opinionis ke to atraktos la publika intereso pri la Ludi. Ilu projetis rikonstruktar komplete l'anciena "Olympia" kun statui, templi, stadii e gimnastikeyi. Alfred Picard, la direktisto di la Exposition, opinionis latre: segun ilu, sportala konkursi meze di la Ferio esus "kompleta anakronismo"[1] Pos dankar Coubertin pri la projeto, Picard pozis la skisuri en l'arkivo e facis nulo pri to. Fine, vice publika intereso, granda desorganizeso eventis.
La ludi inauguresis ye la 14ma di mayo e finis ye la 28ma di oktobro 1900. Partoprenis 997 atleti de 24 landi. Esis 95 eventi de 19 sporti.
Kelka fakti
[redaktar | redaktar fonto]- Multa atleti ne recevis medalii. Vice to li recevis trofei.
- La konkursi di natado eventis en la fluvio Seine.
- Charlotte Cooper divenis l'unesma muliero teniso-championa.
- Luxemburgian atleto Michel Théato ganis la maratono, ma la membri di l'organizuro missupozis ke il esis Franca. Konseque, militala bando pleis La Marseillaise. Tri Usana maratonisti kontestis la rezulti e dicis ke la vinkinti abandonis l'oficala lico ed uzis plu kurta voyo por arivar antee.
- Francia ganis 5 de 6 ora medalii en biciklismo.
- Kelk eventi dum ta Ludi ne plus judikesas kom Olimpiala sporti, exemple automobil-konkursi, kombato per fairo, edc.
- Nur 3 landi sendis partoprenanti por la konkurso di arkpafado, segun normi nune aceptita dal Internaciona Olimpiala Komitato: Francia, Belgia e Nederlando.
Medalii ganita
[redaktar | redaktar fonto]
Yen la listo di landi qui ganis adminime 1 bronza medalio en 1900.
| # | Lando | Ora | Arjenta | Bronza | Entote |
|---|---|---|---|---|---|
| 1 |  Francia |
26[2] | 41[2] | 34[2] | 101 |
| 2 |  Usa |
19[2] | 14[2] | 14[2] | 47 |
| 3 | .svg){kind=small} Unionita Rejio |
15[2] | 6[2] | 9[2] | 30 |
| 4 |  mixita esquado |
6 | 3 | 3 | 12 |
| 5 |  Suisia |
6 | 2 | 1 | 9 |
| 6 |  Belgia |
5 | 5 | 5 | 15 |
| 7 |  Germania |
4 | 2 | 2 | 8 |
| 8 |  Italia |
2 | 2 | 0 | 4 |
| 9 |  Australia |
2[2] | 0 | 3 | 5 |
| 10 |  Dania |
1[2] | 3 | 2 | 6 |
| 11 |  Hungaria |
1 | 2 | 2 | 5 |
| 12 |  Kuba |
1 | 1 | 0 | 2 |
| 13 |  Kanada |
1 | 0 | 1 | 2 |
| 14 |  Hispania |
1 | 0[2] | 0 | 1 |
| 15 |  Austria |
0 | 3 | 3 | 6 |
| 16 |  Norvegia |
0 | 2 | 3 | 5 |
| 17 |  India |
0 | 2 | 0 | 2 |
| 18 |  Nederlando |
0[2] | 1 | 3 | 4 |
| 19 |  Bohemia |
0 | 1 | 1[2] | 2 |
| 20 |  Mexikia |
0 | 0 | 1 | 1 |
| 20 |  Suedia |
0[2] | 0 | 1 | 1 |
| Total | 90 | 90 | 88 | 268 | |