Imperialismo

Imperialismo esas politikala strategio o doktrino di konquesto, kun skopo formacar imperio o dominacar regioni o populi. Segun John Atkinson Hobson, la traito del imperialismo de la fino dil 19ma yarcento til frua 20 ma yarcento ne pluse ligesas al ideo di imperio kovrante la konocita mondo, quale dum l'epoko di la nomizita Pax Romana. Kontree, sequanta la kresko di nacionalismo dum la 19ma yarcento, ta imperialismo stimulis konflikti inter konkurencanta imperii (Germana imperio, Britaniana imperio, Rusa imperio, edc.). Segun ekonomiala vidopunto, imperialismo esas koncepto protecionista, opozante al ideo di libera kambio. Altralatere, sua ligili kun certa formi di monopoligista kapitalismo alegesas da multa marxista autori. Nuntempe ta termino uzesas precipue por indikar omna relati di dominaco establisita da ula naciono o lando sur un od multa altra landi.