Chac

Chac es un lude strategic e tactic ludet de du persones. Chascun lusor have un gruppe de deci-sex chac-figuras o in li blanc o in li nigri color.

Li chascun figura-gruppe consiste ex un rey, un dama, du turres, du cavalles, du epíscopes e ott piones.

Li lude es ludet sur un chac-tabul quel consiste ex 64 quadrates. Li scope del lude es atinger que li rey del adversario ne posse plu escappar o mover. Un tal situation es nominat chac-matt.

On anc nómina chac li lude del reyes. Li nómine del lude es derivat ex li persian parol por rey chah. It es li max populari tabul-lude del munde.

Chac quam sport

Chac es anc aconosset quam sport. Li international organisation del chac nomina FIDE. Hay un championatu mundal de chac e mem un chac-olimpiade. Desde 2013 li champion mundal es li norvegian Magnus Carlsen. In novembre 2016 il defendet su titul successosimen contra Sergey Karyakin (Russia) in New York. Li ultim olimpiade esset ludet in 2016 a Baku, Azerbaidjan. Li Unit States de America vincet in li section apert, China in li section por féminas.

Desde 2023 li champion mundal es Ding Liren.