Transistor
| Transistor |
|---|
| subclasse de: semiconductor device[*], active electronic component[*] |
|
|
|
| precedite per: semiconductor diode[*], vacuum tube[*], gas-filled tube[*] |
| Commons: Transistors |
Le termino transistor es le contraction de transfer resistor, isto es: resistor de transferentia. Le transistor es un dispositivo electronic de typo semiconductor que se utilisa como amplificator o commutator electronic. Es un componente clave in tote le electronica moderne, ubi es amplemente utilisate formante parte de commutatores electronic, portas logic, memorias de computatores e altere dispositivos. In le caso de circuitos analogic le transistores es utilisate como amplificatores, oscillatores e generatores de undas.
Substituto del valvula thermoionic de tres electrodos o triodo, le transistor bipolar esseva inventate in le Laboratorios Bell statounitese in decembre de 1947 per John Bardeen, Walter Houser Brattain, e William Bradford Shockley, le quales esseva laureate con le Premio Nobel de Physica in 1956.
Generalitates
[modificar | modificar fonte]Le inventores del transistor lo appelava assi per su proprietate de modificar le resistentia al passage del currente electric inter le emissor e le collector.
Le transistor bipolar ha tres partes, como le triodo: un que emitte portatores (emissor), un altere que los recipe o recollige (collector) e le tertie, intercalate inter le prime duo, que modula le passo de iste portatores (base).