Henrico VIII de Anglaterra
Henrico VIII (in anglese Henry VIII, 28 junio 1491 – 28 januario 1547) esseva le rege de Anglaterra ab 1509 usque su morte in 1547, e simultanee regula de Irlanda. Ille es un del monarchas plus famose de Anglaterra proque ille rumpeva Anglaterra ab le Ecclesia Catholic e proque ille maritava sex vices. Ille esseva le secunde monarcha del Dynastia Tudor.
Henrico augmentava le potentia del monarchia anglese. Ille ordinava sovente executiones de personas que habeva criticate su decisiones. Illes habeva sovente nulle judicios. Ille compliva su scopos per su ministros principal potente: Thomas Wolsey, Thomas More, Thomas Cromwell e Thomas Cranmer. Alcunes de illes e duo de su sposas executava ille. Su decision plus influente esseva rumper Anglaterra ab le Ecclesia Catholic, mesmo si ille non esseva protestante. Isto comenciva le reforma protestante anglese e establiva le Ecclesia de Anglaterra. Su motivo esseva obtener un divorcio de su prime maritage con Catherina de Aragon. Anque le influentiava personas con ideas protestante (Cromwell, Cranmer e su secunde sposa Anne Boleyn).
Henrico poteva levar le receptas del governamento anglese parque Anglaterra non pagava moneta al Ecclesia Catholic e proque su governamento terminava le monasterios pro confiscar lor possessiones. Nonobstante isto, su governamento habeva difficultates financiari proque Henrico expendeva multo in su extravangantia personal e guerras contra Francia, le Sacre Imperio Roman e Scotia. Iste guerras ganiava pauco. Un decision plus influente esseva que ille expandeva multo le Royal Navy. Ille univa Galles in Anglaterra. In 1542, ille deveniva le primo rege anglese esser rege de Irlanda (ante isto ille esseva Senior de Irlanda).
Linguas fonte
[modificar fonte]| Lingua | Nomine |
|---|---|
| anglese (en) | Henry VIII |
| francese (fr) | Henri VIII |
| espaniol (es) | Enrique VIII de Inglaterra |
| portugese (pt) | Henrique VIII de Inglaterra |
| italiano (it) | Enrico VIII d'Inghilterra |
| germano (de) | Heinrich VIII. (England) |
| russo (ru) | Генрих VIII |
| latino (la) | Henricus VIII (rex Angliae) |