Խնձոր

Կարմիր խնձորներ

Խնձոր, խնձորենու պտուղ։ Խնձորենին պատկանում է վարդազգիների ընտանիքի տերևաթափ ծառերի և թփերի ցեղին։

Հնագույն ժամանակներից խնձորը համարվել է արժեքավոր բուժական սնունդ։ Խնձորն օգտագործվում է թարմ և վերամշակված (չիր, շաքարաչիր, կոմպոտ, ջեմ, պովիդլո, պաստեղ, դոնդող, հյութ, գինի, օղի, քացախ և այլն)։ Հայտնի է «Սիդր» խնձորի փրփրուն գինին, իսկ Արևմուտքի մի շարք երկրներում՝ «Կալվադոսը» (խնձորի ավելի թունդ խմիչք)։

Հայկական ծիսակատարության ժամանակ խնձորի հետ կապված 16 ծես կա։

Ասացվածքներ խնձորի մասին

• Մի վատ խնձորը այգու անունը կարատավորի։

Կորեական ասացվածք

• Մի փչացած խնձորը մի զամբյուղ խնձոր կփչացնի։

Վրացական ասացվածք

• Գետն ամեն անգամ կարմիր խնձոր չի բերի։

Ադրբեջանական ասացվածք

Տարածված արտահայտություններ

• Կարմիր խնձոր էին/էինք ուղարկե՞լ (հայկական ավանդույթի համաձայն «կարմիր խնձոր ուղարկել» արտահայտությունն ունի ջերմ հրավերի իմաստ)։
• Երկնքից երեք խնձոր ընկավ. մեկը՝ գրողին, մեկը՝ պատմողին, մեկն էլ՝ հեքիաթ լսողին։
• «Կծած խնձոր» - ասոցացվում է Apple ընկերության հետ, քանի որ ընկերության լոգոն իրենից ներկայացնում է այդպիսի պատկեր։

Աղբյուրներ

• «Արևելքի ժողովուրդների առածներ և ասացվածքներ», «Հայաստան» հրատարակչություն, 1969 թ., կազմող և թարգմանիչ՝ Ս. Ա. Բունիաթյան, խմբագիր՝ Արամ Ղանալանյան։