Էնգուս Ալեքսանդր Ուոլ (անգլ.՝ Angus Alexander Wall, մարտի 15, 1967(1967-03-15))[1], ամերիկացի մոնտաժող և լուսագրերի դիզայներ, «Օսկար» և «BAFTA» մրցանակների երկակի դափնեկիր։
1988 թվականին ավարտել է Բոուդին քոլեջը[2]։ 1992 թվականին Լինդա Կառլսոնի հետ հիմնադրել է «Rock Paper Scissors» ընկերությունը, որն աշխատում էր մոնտաժի և գովազդային ընկերությունների համար լուսագրերի ստեղծման ոլորտում[3]։ Նրանց հաճախորդների թվում էին BMW-ը, HP-ը և Նայքը[4]։ Մեծ կինոյում Ուոլի առաջին աշխատանքը եղել է ռեժիսոր Դևիդ Ֆինչերի«Յոթ» ֆիլմի համար լուսագրերի ստեղծումը[4]։ Հարկ է նշել, որ նա ավելի վաղ ևս աշխատել է Էնգուսի հետ, որն զբաղվել է Ֆինչերի գովազդային հոլովակների և տեսահոլովակների մոնտաժով։ «Մարտական ակումբ» և «Վախի սենյակ» ֆիլմերի ստեղծման ժամանակ Ֆինչերը Ուոլին է վստահել մոնտաժի խորհրդականի պաշտոնը։ 2003 թվականի վերջին Ուոլը աշխատանքային պայմանագիր է կնքել HBO հեռուստաալիքի հետ սերիալների համար։ Նրան է պատկանում «Կառնավալ» հեռուստասերիալի լուսագրերի ձևավորումը, որի համար արժանացել է «Էմմի» մրցանակի։ Հետագայում Ուոլը շարունակել է աշխատանքը HBO-ում՝ ստեղծելով լուսագրեր «Հռոմ» և «Գահերի խաղը» հեռուստասերիալների համար։ «Զոդիակ» ֆիլմում նա առաջարկել է կիրառել թվային ապարատներ, որոնք օգնել են ստեղծել յուրահատուկ մոնտաժ[5]։ «Բենջամին Բաթոնի առեղծվածային պատմությունը» ֆիլմում աշխատանքի համար առաջադրվել է «BAFTA», «Օսկար», մոնտաժողների գիլդիայի մրցանակներին[5]։
ԱՄՆ