Bugogue
| Bugogue | ||||||||||||||||
|---|---|---|---|---|---|---|---|---|---|---|---|---|---|---|---|---|
 Duillagyn as messyn bogogue
 Caslys strugtooragh jeh bugogue
| ||||||||||||||||
| Rang oaylleeagh | ||||||||||||||||
| ||||||||||||||||
| Ennym daa-ennymagh | ||||||||||||||||
| Rhamnus cathartica L. |
She lus 'sy chynney Rhamnaceae ee bugogue (Rhamnus cathartica). T'ee dooghyssagh da'n Oarpey, yn Affrick heear hwoaie, as yn Aishey heear.[1][2] T'ee ry-akin ayns America Hwoaie myr lus jesheenagh.[3][4]
Jalloo-oaylleeaght
[reagh | edit source]She crouw yn-lhoamey t'ayn. T'ee gaase wheesh as 8m er yrjid. Ta roost dhone lheeah eck as banglaneyn jialgagh. Ta duillagyn eelipsagh dys oohchrooagh glassey eck, mysh 2.5–9 cm er lheead as 1.2–3.5 cm er yrjid; t'ad maylartey. Ta blaaghyn buighey-ghlassey kiare-petyllagh eck. T'ad dioecious, as t'ad goll er pollnaghey ec shey-chassee. She droop doo eh y mess eck, mysh 6–10 mm er crantessen, as ta daa dys kiare rassinyn ayn. T'eh nieunagh da sleih, agh ta ein ad y ee gyn doilleeid, as skeaylley ny rassinyn 'sy check oc.[5][6]
Aase
[reagh | edit source]Ta bugogue gaase dy tappee, agh t'ee neuveayn. T'ee surral scaa dy mie, as t'ee tramylt. T'ee ny lus ruegyssagh as ta'n scaa eck lhiettal aase dooieyn dooghyssagh. S'doillee eh ish y 'reayll fo; t'ee cur magh buinnaghyn dy breeoil erreish jee goll er giarrey ny lossey.[7]
Hug Linnaeus Rhamnus catharticus urree, agh ren ad kerraghey yn ennym myr cathartica er y fa dy nee ennym genus bwoirrinagh ee Rhamnus.[8]
Ymmyd
[reagh | edit source]Ren ad ymmyd purgaidagh jeh roost as messyn ny lus traa dy row, agh s'goan shen nish er coontey fo-eiyrtyssyn gaueagh.[9] Ta'n fuygh creoi, agh cha nel monney ymmyd jeant jeh. She lus bee foillycanyn 'sy ghenus Gonepteryx t'ayn, as oltey da noidyn scanshoil troaryn: Puccinia coronata as Aphis glycines.[10]
Imraaghyn
[reagh | edit source]- ↑ Flora Europaea: Rhamnus cathartica
- ↑ Germplasm Resources Information Network: Rhamnus cathartica
- ↑ J Torrey (New York). A flora of the northern and middle sections of the United States: or, a systematic arrangement of all the plants hitherto discovered in the United States north of Virginia 1 (Baarle). T. & J. Swords, 513.
- ↑ S Possessky; C Williams, W Moriarty (2000). "Glossy Buckthorn, Rhamnus frangula L.: a threat to riparian plant communities of the northern allegheny plateau (USA)." (Baarle). Natural Areas Journal 20.
- ↑ K Rushforth (1999). Trees of Britain and Europe (Baarle). Collins. ISBN 0-00-220013-9.
- ↑ Flora of NW Europe:. Rhamnus cathartica.
- ↑ Burton V. Barnes; Warren H. Wagner Jr. (2004). Michigan Trees (Baarle). ISBN 978-0-472-08921-5.
- ↑ W. J. Bean (1980). Trees and Shrubs Hardy in the British Isles, 8oo 3 (Baarle), John Murray. ISBN 0-7195-2427-X.
- ↑ Plants for a Future: Rhamnus cathartica
- ↑ D Ragsdale; D Voegtlin, R O’Neil (2004). "Soybean aphid biology in North America" (Baarle). Annals of the Entomological Society of America 97.
Kianglaghyn mooie
[reagh | edit source]