Momyiha
Momyiha térã motor ha'e peteĩ mákina oipurúva mbaretekue omongu'e ha omomýi hag̃ua peteĩ mba'e.[1] Ko mbaretekue oipurúva ikatu ou tendyrýgui, mba'e ombyakúvagui térã mba'e kímikogui (jahero combustible térã "ñandyratarã" pe mba'e kímiko omýi hag̃ua), ikatu jajuhu momyiha oipurúva combustible mba'yrumýi ryepýpe, ha'éva gasolína, diésel térã etanol. Umi momyiha ymaguare katu oipuru yvypóra térã mymba mbaretekue, y osyry pya'éva, yvyty ha y timbo.