TEU (unidade de medida)

Un TEU é unha unidade de medida anglosaxoa de capacidade de transporte marítimo en colectores.

É un acrónimo da expresión inglesa Twenty-feet Equivalent Unit. O tamaño que se estabeleceu como base, tomando como unidade a capacidade dun colector de 20 pés.

As súas dimensións son: 20 pés de longo, 8 de ancho e 8,5 de altura (6,096 metros de longo, 2,438 de ancho e 2,591 de alto). O volume exterior é de 1360 pés cúbicos (38,51 m³), e a súa capacidade é de 1165,4 pés cúbicos (33 m³). O peso máximo da carga no interior é de 28.230 kg.

Á parte do colector de 20 pés, que se computa como un TEU, hai outros longos e tipos de colectores. Os de uso frecuente son variantes do colector de 40 pés, calculados como equivalentes a 2 TEUs = 1 FEU (Forty-feet Equivalent Unit).