Richard Owen

Richard Owen
	;
Biografía
Nacemento	20 de xullo de 1804 ; Lancaster, Reino Unido
Morte	18 de decembro de 1892 (88 anos); Londres, Reino Unido
Lugar de sepultura	St Andrew's Church, Ham, London (en)
Director de museo Museo de Historia Natural de Londres
	– William Henry Flower →
Datos persoais
Residencia	Inglaterra
Educación	Universidade de Edimburgo ; Lancaster Royal Grammar School (mul) ; Barts and The London School of Medicine and Dentistry
Actividade
Campo de traballo	Zooloxía e paleontoloxía
Ocupación	conservador, profesor universitario, anatomista, paleoantropólogo, zoólogo, biólogo, paleontólogo, escritor
Empregador	Museo de Historia Natural de Londres, director de museo (1856–1883) ; Hunterian Museum (en) , conservador (1849–1856) ; Faculdade Real de Cirurgiões da Inglaterra (pt) , catedrático (1836–) ; Hunterian Museum (en) , assistente de pesquisa (pt)
Membro de	Academia Naciona de Ciencias dos Estados Unidos (asociado estranxeiro da Academia Nacional de Ciencias) (1865–); Accademia delle Scienze di Torino (1845–); Real Academia das Ciencias de Suecia (1843–); Academia das Ciencias de San Petersburgo (membro correspondente) (1839–); Royal Society (membro da Royal Society) (1834–); Academia francesa das ciencias ; Academia de Ciencias de Baviera ; Real Academia de Artes e Ciencias dos Países Baixos ; Academia de Ciencias de Hungría ; Accademia Nazionale delle Scienze detta dei XL ; Academia Prusiana das Ciencias ; Royal Microscopical Society (mul) ; Leopoldina ; Academia das Artes e das Ciencias dos Estados Unidos
Obra
	Obras destacables (1881) Museo de Historia Natural de Londres ;
Abreviatura do autor en zooloxía	Owen
Arquivos en	Biblioteca Nacional de Gales ;
Premios
	(1888) Medalla linneana; (1878) Medalha Clarke (pt) ; (1851) Croonian Medal and Lecture; (1851) Medalla Copley; (1846) Medalla Real; (1844) Conferencia Baker; (1838) Medalla Wollaston; Orde do Mérito das Ciencias e as Artes; Knight Commander of the Order of the Bath (en) ; Pour le Mérite; membro da Royal Society; membro de honra da Real Sociedade Te Apārangi ;
Descrito pola fonte	Nordisk familjebok; Grande Enciclopedia Soviética 1969-1978, (sec:Оуэн Ричард); Dictionary of National Biography

Sir Richard Owen, nado en Lancaster, Reino Unido o 20 de xullo de 1804 e finado en Londres o 18 de decembro de 1892, foi un biólogo, paleontólogo e anatomista comparativo inglés, coñecido, entre outras cousas, por ser o introdutor en Inglaterra da anatomía transcendental e por definir con precisión o concepto homoloxía

Traballou no Royal College of Surgeons, no Hunterian Museum e no Museo Británico, e foi membro da Royal Society

Traxectoria

Estudou no colexio Lancaster Royal Grammar. En 1820 entrou como aprendiz dun cirurxián e farmacéutico e, en 1824 ingresou como estudante de medicina na Universidade de Edimburgo. Deixou a universidade ao ano seguinte e completou os cursos de medicina no Hospital de San Bartolomeu de Londres, onde estivo ás ordes do eminente cirurxián John Abernethy.

Owen amosou interese pola investigación en anatomía, e Abernethy recomendoulle que aceptara o posto de asistente de William Clift, conservador do museo do Real Colexio de Cirurxiáns. Este traballo interesouno tanto que pronto abandonou o seu interese por exercer a medicina e, a partir dese momento, dedicou a súa vida unicamente a labores científicos.

Owen preparou unha importante serie de catálogos da colección Hunter do Real Colexio de Cirurxiáns e con este traballo adquiriu excelentes coñecementos de anatomía comparada que lle foron moi útiles ao longo da súa carreira, especialmente nas súas investigacións sobre os restos de animais extinguidos.

En 1836 foi nomeado profesor do Real Colexio de Cirurxiáns e en 1849 sucedeu a Clift como conservador. Owen estaría nese posto até 1856, cando foi nomeado superintendente do departamento de Historia natural do Museo Británico. A súa reestruturación do departamento levaría o traslado das coleccións de historia natural do Museo Británico a un novo edificio en South Kensington, e á creación do Museo de Historia Natural. Owen permaneceu en activo até que completou o seu traballo en 1884, cando recibiu a distinción K.C.B. e se retirou a Sheen Lodge até a súa morte.

O final da súa carreira estivo *embafado por acusacións de non valorar o traballo doutros, e incluso de publicar como súas investigacións de terceiros. Isto culminou en 1844 cando publicou reclamando como seu un artigo sobre belemnitas que xa fora presentado por Chaning Pearce uns anos antes na Sociedade Xeolóxica, o que provocou a súa expulsión dos consellos da Sociedade Zoolóxica de Londres e da Royal Society.

Publicacións

Memoir on the Pearly Nautilus (1832)
Odontography (1840-1845)
"Report on the Archetype and Homologies of the Vertebrate Skeleton" (1846)
On the Archetype and Homologies of the Vertebrate Skeleton (1848)
History of British Fossil Reptiles (4 vols., 1849-1884)
On the Nature of Limbs (1849)
Archaeopteryx (1863)
Anatomy of Vertebrates (1866) — (Dispoñíbel en Google Books):
Monograph of the Fossil Mammalia of the Mesozoic Formations (1871)
Catalogue of the Fossil Reptilia of South Africa (1876)
Antiquity of Man as deduced from the Discovery of a Human Skeleton during Excavations of the Docks at Tilbury (1884)

Legado

Moitas das ideas de Owen demostráronse que son inválidas, especialmente cando se consideran desde o punto de vista da embrioloxía, que Owen ignorou sistematicamente nos seus traballos. Porén, a súa contribución foi fundamental para a anatomía comparada e algúns dos seus conceptos, como a distinción entre analoxía e homoloxía e a súa distinción entre distintos tipos de homoloxías mantéñense en vigor.

Abreviatura

A abreviarura Owen emprégase para indicar a Richard Owen como autoridade na descrición e taxonomía en zooloxía.

Véxase tamén

Outros artigos

Debate sobre o hipocampo