Radiación

En física, a radiación é un modo de propagación da enerxía a través do espazo, de forma análoga á luz.

A radiación, propiamente dita, refírese á transportada por ondas electromagnéticas, chamada, en consecuencia, radiación electromagnética. Así a todo, emprégase esta expresión tamén para referirse ó movemento de partículas a gran velocidade no medio, con aprezable transporte de enerxía, que recibe o nome de radiación corpuscular.

Se o transporte de enerxía é suficientemente elevado como para provocar ionización no medio circundante, fálase de radiación ionizante. Aínda que non é totalmente correcto, é habitual empregar a palabra radiación, por extrapolación, para referirse ás radiacións ionizantes.

Terminoloxía

A palabra radiación está formada con raíces latinas e significa "acción e efecto dos raios". Os seus compoñentes léxicos son: radio (raio de luz), co sufixo -ción (acción e efecto). Outras palabras coa mesma raíz son radio, raio ou irradiar.

Tipos de radiacións

• radiación ionizante
• radiación de Cerenkov
• radiación corpuscular
• radiación electromagnética
• radiación solar
• radiación de supervoltaxe

Termo anatómico

---

En Anatomía, úsase o termo radiación para referírmonos a unha estrutura que diverxe dende un centro común:

• radiación acústica
• radiación do corpo caloso
• radiación estríotalámica
• radiación óptica
• radiación piramidal
• radiación talámica
• radiación tegmentaria