Oleg Blokhin

Oleg Blokhin

Nome orixinal	(uk) Олег Володимирович Блохін (uk) Олег Володимирович Блохін (ru) Олег Владимирович Блохин
Biografía
Nacemento	5 de novembro de 1952 (71 anos) Kíiv, Ucraína
Deputado de Ucraína
14 de maio de 2002 – 25 de maio de 2006 Lexislatura: 4th Verkhovna Rada (en)
Deputado de Ucraína
12 de maio de 1998 – 14 de maio de 2002 Lexislatura: 3rd Verkhovna Rada (en)
Datos persoais
Altura	180 cm
Peso	75 kg
Actividade
Ocupación	futbolista, adestrador de fútbol, político
Partido político	Partido Comunista da Unión Soviética
Membro de	4th Verkhovna Rada (en) 3rd Verkhovna Rada (en)
Nacionalidade deportiva	Unión Soviética Ucraína
Deporte	fútbol
Posición de xogo	Extremo esquerdo
Traxectoria   Equipo 1969–1988 FC Dynamo Kyiv 432 (211) 1988–1989 SK Vorwärts Steyr 41 (9) 1989–1990 Aris Limassol F.C. 22 (5)   Selección nacional 1972–1988   Selección de fútbol da Unión Soviética 112 (42)   Adestrador – Olympiakos FC
Participou en
2012	Eurocopa de Fútbol Polonia/Ucraína 2012
1986	Mundial de Fútbol México 1986
1982	Mundial de Fútbol España 1982
1976	Xogos Olímpicos de 1976
1972	Xogos Olímpicos de 1972
Familia
Cónxuxe	Irina Deriugina
Fillos	Ireesha
Pais	Vladimir Blokhin   e Kateryna Adamenko
Premios
(1975)  Balón de Ouro  Mestre do Deporte da URSS, Clase Internacional  Order of Prince Yaroslav the Wise, 4th class (en)  Order of Prince Yaroslav the Wise, 3rd class (en)  Order of Prince Yaroslav the Wise, 5th class (en)  Order of Prince Yaroslav the Wise, 2nd class (en)  Mestre emérito do deporte da Unión Soviética  Orde ao Mérito de Ucraína, 2ª clase  Order of Merit, 1st class (en)  Orde ao Mérito de Ucraína de terceira clase  National legend of Ukraine (en)
Descrito pola fonte	Obálky knih,

Oleh Volodymyrovych Blokhin, nado o 5 de novembro de 1952 en Kíiv, Unión Soviética, hoxe Ucraína, é un adestrador de fútbol que anteriormente xogou de dianteiro na selección da Unión Soviética. Foi galardoado co Balón de Ouro en 1975.

Traxectoria

Dinamo Kíiv

Case toda a súa carreira transcorre no Dinamo Kiev, excepto os derradeiros anos nos terreos de xogo, onde formou parte do Vorwärts Steyr austríaco e do Aris Limassol FC. É o máximo anotador da liga soviética de tódolos tempos con 211 goles, así coma o xogador con máis encontros disputados (432). A nivel de equipo, con el o Dinamo gañou a liga da URSS en oito ocasións e dúas Recopas, en 1975 e 1986.

Selección

Blokhin é o futbolista que máis encontros xogou coa camisola da Unión Soviética, cun total de 112, amais de se-lo máximo anotador con 42 goles. Participou nos mundiais de 1982 e 1986.

Adestrador

Despois do seu retiro, Blokhin adestrou varios clubs gregos entre eles o Olympiakos FC, PAOK e o Ionikos. En setembro do 2003 chega ao cargo de adestrador da selección ucraína. Baixo a súa batuta a escuadra chega ata os cuartos de final do Mundial de Fútbol Alemaña 2006, perdendo contra a Italia, que finalmente serían os campións do torneo.

Persoal

No ano 2002 Ole Blokhin foi elixido para o Verkhovna Rada (Parlamento de Ucraína) por segunda vez. En outubro dese mesmo ano únese ao Partido Socialdemócrata de Ucraína. Nos últimos tempos o seu cargo na selección de fútbol concentra tódolos seus esforzos e non anda en ningunha actividade política.

Blokhin estivo casado con Irina Deriugina, a famosa ximnasta campioa do mundo en exercicios libres, mais a parella divorciouse en 1990. Teñen unha filla.

Xogador de Ouro

En novembro do 2003, para celebra-lo aniversario da UEFA, fíxose unha selección na que a federación de cada país tivo que escoller ó seu mellor xogador dos últimos 50 anos. Son os chamados Xogadores de Ouro da UEFA. Blokhin foi escollido pola Federación de Fútbol de Ucraína.

Polémica racista en 2006

O 22 de febreiro de 2006 nunha entrevista (en ruso)na páxina de deportes ucraína sport.com.uaArquivado 28 de setembro de 2007 en Wayback Machine., Blokhin fixo as seguintes declaracións: "Cantos máis ucraínos xoguen na liga nacional, máis exemplos para os rapaces. Que aprendan de Shevchenko ou Blokhin e non dalgún Zumba-Bumba ó que baixaron dunha árbore, lle deron dous plátanos a agora xoga na liga ucraína. [...] Lembro cando eu xogaba ó fútbol; se perdiamos un encontro non era doado camiñar polas rúas de Kiev - Había moitos amigos aí fóra que podían darche unha boa malleira. Pero que sentido ten baterlle a un estranxeiro? De acordo, ti bates nel - o seguinte que fará será colle-las maletas e marchar."

Estes comentarios recibiron unha morea de críticas da prensa occidental.

Véxase tamén

Ligazóns externas

• UEFA.com - Xogador de Ouro de Ucraína (en inglés).