Jrue Holiday

Jrue Holiday

(2021)
Biografía
Nacemento	12 de xuño de 1990 (34 anos) Os Ánxeles, Estados Unidos de América
Educación	Universidade de California, Os Ánxeles Campbell Hall School (en)
Altura	193 cm
Peso	82 kg
Actividade
Ocupación	baloncestista
Período de actividade	2009 -
Nacionalidade deportiva	Estados Unidos de América
Deporte	baloncesto
Liga	NBA (en) , Baloncesto masculino da División I da NCAA e National Basketball Association
Posición de xogo	Base
Número deportivo	11
Convocado por	Philadelphia 76ers
Traxectoria   Equipo 2008–2009 UCLA Bruins 2009–2013 Philadelphia 76ers 2013–2020 New Orleans Pelicans 2020–2023 Milwaukee Bucks 2023–valor descoñecido Boston Celtics
Participou en
2021	Xogos Olímpicos de 2020 (1º) (medalla de ouro olímpica)
2019	Campionato do Mundo de Baloncesto de 2019 (7º)
Familia
Cónxuxe	Lauren Cheney
Irmáns	Justin Holiday Aaron Holiday

Jrue Randall Holiday, nado o 12 de xuño de 1990 no barrio de Chatsworth (Os Ánxeles), é un xogador americano de baloncesto profesional que xoga nos Boston Celtics da National Basketball Association (NBA). É irmán dos tamén xogadores de baloncesto profesional Justin Holiday e Aaron Holiday.

Traxectoria profesional

Holiday foi elixido na 17ª posición do Draft da NBA de 2009 polos Philadelphia 76ers. Converteuse no base titular dos Sixers en marzo da tempada 2009-10. Cando Louis Williams regresou da súa lesión, Holiday perdeu o posto de titular durante uns partidos, pero cando os Sixers levaban unha xeira negativa, Holiday volveu ao posto de base titular, e o mantivo durante o resto da tempada. O 3 de abril de 2010, Holiday anotou 25 puntos contra os Toronto Raptors, a máxima anotación na súa carreira. O 5 de novembro dese mesmo ano, mellorou esa marca, anotando 29 puntos contra os Cleveland Cavaliers. O 2 de febreiro de 2011, conseguiu o seu primeiro triplo-dobre, con 11 puntos, 10 rebotes e 11 asistencias na vitoria contra os New Jersey Nets. O 24 de xaneiro de 2013, foi elixido para xogar o seu primeiro All-Star Game da NBA coma suplente. O 26 de xaneiro de 2013, superou a maior anotación da súa carreira ó anotar 35 puntos contra os New York Knicks.

O 12 de xullo de 2013, foi traspasado ós New Orleans Pelicans a cambio de Nerlens Noel e unha elección de primeira rolda do Draft de 2014.

O 24 de novembro de 2020, Holiday foi traspasado ós Milwaukee Bucks nun traspaso entre catro equipos.

O 27 de setembro de 2023, Holiday foi traspasado xunto a Deandre Ayton, Toumani Camara e unha elección da primeira rolda do Draft de 2029 ós Portland Trail Blazers, nun traspaso entre tres equipos que enviou a Damian Lillard ós Milwaukee Bucks, e a Grayson Allen, Jusuf Nurkić, Nassir Little e Keon Johnson ós Suns. Catro días máis tarde, os Trail Blazers traspasaron a Holiday ós Boston Celtics a cambio de Robert Williams III, Malcolm Brogdon e dúas futuras eleccións da primeira rolda do Draft.

Véxase tamén

Ligazóns externas

• Perfil en NBA.com (en inglés)