Jèrriais

Jèrriais
Falado en:	Reino Unido
Rexións:	Illa de Jersey e Sark
Total de falantes:	1 900 (censo de 2011)
Familia:	Indoeuropea  Itálica   Románica    Románica occidental     Galorrománica      Oïl       Normando        Jèrriais
Escrita:	Alfabeto latino
Códigos de lingua
ISO 639-1:	--
ISO 639-2:	---
ISO 639-3:	nrf
Mapa
Status

O jèrriais é unha forma da lingua normanda que se fala na Illa de Jersey, unha das Illas da Canle a carón da costa de Francia. Esmoreceu durante o século XX pola substitución do inglés como lingua da educación, do comercio e da administración. Hai moi poucas persoas que falen o jèrriais como lingua nai e, tendo en conta a idade dos falantes, este número mingua ano tras ano. Unha lingua semellante, o guernésiais, fálase na veciña illa de Guernsey; a lingua de Sark, o sercquiais, descende do jèrriais levado por colonos de Jersey que se asentaron en Sark no século XVI. É mutuamente intelixible coa lingua normanda da Normandía continental.

Literatura

A literatura en jèrriais ten as súas orixes na poesía de Wace (s. XII). Porén, apenas se conservan obras anteriores á introdución da imprenta na illa de Jersey durante a década de 1780. Os primeiros textos impresos na lingua proceden de xornais de finais do século XVIII, e o primeiro poema datado é un fragmento de Matchi L'Gé (1777-1849), publicado en 1795. Ao longo do século XIX, houbo un incremento notable no número de xornais e revistas en jèrriais, onde moitos autores escribían con regularidade. A primeira antoloxía de poesía en jèrriais, Rimes Jersiaises, saíu do prelo en 1865.

Véxase tamén

Bibliografía

• Paul W. Birt (1985): Lé Jèrriais Pour Tous.
• Frank Le Maistre (1996): Dictionnaire Jersiais–Français.
• Mari C. Jones (2001): Jersey Norman French: A Linguistic Study of An Obsolescent Dialect .
• Mari C. Jones (2003): Jèrriais: Jersey's Native Tongue. ISBN 978-1-904210-03-0.
• (2005): Dictionnaithe Jèrriais-Angliais. ISBN 0-901897-40-X.

.