Freddie Bartholomew

Freddie Bartholomew

Biografía
Nacemento	28 de marzo de 1924 Londres, Reino Unido
Morte	23 de xaneiro de 1992 (67 anos) Sarasota, Estados Unidos de América
Causa da morte	insuficiencia cardíaca
Educación	Italia Conti Academy of Theatre Arts (en)
Actividade
Ocupación	actor, actor de cinema, produtor de televisión
Período de actividade	1930 - 1951
Carreira militar
Conflito	segunda guerra mundial
Premios
estrela no Paseo da Fama de Hollywood

Frederick Cecil Bartholomew, nado en Londres o 28 de marzo de 1924 e finado en Sarasota, Florida o 23 de xaneiro de 1992, foi un actor infantil británico-estadounidense, máis coñecido como Freddie Bartholomew. Está considerado como un dos actores infantís máis famoso de tódolos tempos, xa que se fixo moi coñecido en filmes que se fixeron nos anos 30 en Hollywood. Os seus filmes máis famosos nos que actúa como protagonista son Captains Courageous (1937) e Little Lord Fauntleroy (1936).

Traxectoria

Comezou actuando en pequenos papeis en obras de teatro e filmes británicos como Lily Christine (1932), mentres facía unha viaxe polos Estados Unidos viuno o produtor David O. Selznick e contratouno para o filme David Copperfield (1935), que se converteu nun éxito e fíxoo popular, Bartholomew seguiu actuando en numerosos filmes de grande éxito con algunhas das estrelas máis populares da época.

Filmes como Anna Karenina (1935) con Greta Garbo e Fredric March, Professional Soldier (1935) con Gloria Stuart, Little Lord Fauntleroy (1936) con Dolores Costello, Lloyds of London (1937) con Madeleine Carroll e Tyrone Power e Captains Courageous (1937) con Spencer Tracy.

Entre 1944 e 1947 serviu como soldado,^{[Cómpre referencia]} logo de deixar Hollywood cara Nova York estableceuse como executivo nunha compañía de publicidade e morreu en Sarasota, Florida.