Euxipio

Euxipio

Biografía
Nacemento	460 (Gregoriano)
Morte	533 (Gregoriano) (72/73 anos) Nápoles, Italia
Abade
Actividade
Ocupación	haxiógrafo, escritor
Profesores	São Severino (pt)
Enaltecemento
santo
Día de festividade relixiosa	15 de xaneiro
Obra
Obras destacables Life of St. Severinus (en)
Descrito pola fonte	Paulys Realenzyklopädie der klassischen Altertumswissenschaft Dicionario Enciclopédico Brockhaus e Efron

Euxipio de África ou o Africano, en latín orixinal Eugyppius Africanus, nado ao redor de 465 e finado en Nápoles despois do 533, foi un historiador cristián e santo da Igrexa Católica cuxa festividade se ceeébra o 15 de xaneiro.

Traxectoria

Probabelmente non naceu en Nápoles, senón que proviña dunha familia da Nórica superior ou da Retia ulterior. Foi algúns anos discípulo de Severino de Nórico (ca. 410 - 482), de quen escribiu unha biografía que é considerada polos expertos modelo de escritura haxiográfica. Trala morte deste, adoitouse soster que trasladou as súas reliquias a Nápoles (488), pero o certo é que fundou primeiro un mausoleo á súa memoria e logo un mosteiro no lugar que ocupaba unha antiga vila do século I en Lucullanum Castellum, a actual Pizzofalcone, preto de Nápoles, sendo nomeado abade da devandita comunidade. Durante a súa estancia en Nápoles compilou para unha matrona romana, unha tal Proba, se cadra a filla de Símaco, unha antoloxía de obras de Agostiño de Hipona moi extensa (máis de mil folios): Excerpta ex operibus Sancti Augustini, e escribiu outras dúas obras moi estimadas, a devandita Vita Sancti Severini ou "Vida de San Severino", composta ao redor do ano 511 e que pode consultarse actualmente no volume LXII da Patrologia Latina de Jacques Paul Migne, e unha regra monástica, a regra dita de Euxipio. Estas tres obras, máis unha serie de cartas dirixidas a eminentes contemporáneos seus (Casiodoro, Dionisio o Exiguo, Fulxencio de Ruspe) fan del un autor fundamental na literatura cristiá do século VI. Especialmente importante é a Vita non só polos datos que ofrece sobre a evanxelización, senón sobre a xeografía e as etnias do confín oriental do Imperio Romano de Occidente no período inmediatamente precedente ao seu fin.

Obras

• Eugippii Vita Sancti Severini.
• Eugippii Excerpta ex operibus Sancti Augustini.
• Eugippii regula.