Escudo do Reino Unido
.svg)
O Escudo Real do Reino Unido (en inglés Royal Coat of Arms of the United Kingdom). É o escudo de armas do monarca británico, actualmente Carlos III. Tamén é empregado como o brasón do Reino Unido de Gran Bretaña e Irlanda do Norte.
Composición
[editar | editar a fonte]Este escudo é un acuartelado, dividido en catro cuarteis:
No primeiro e cUarto cuartel figuran os elementos do escudo de Inglaterra: Sobre un fondo vermello (de goles) tres leóns leopardados, denominación que recibe o león pasante, apoiado sobre tres patas, que ten a súa cabeza de fronte. Estes leóns son de cor amarela ou dourada (de ouro).
No segundo o escudo de Escocia: Sobre fondo amarelo (de ouro) figura un león rampante, erguido e apoiado sobre unha das súas patas, de cor vermella (de goles) e situado dentro dun trechor[1], da mesma cor que o león.
No terceiro atópase o escudo que simboliza a Irlanda, xa que a zona superior da illa mantívose baixo soberanía británica, recoñecendo como xefe do Estado ó monarca británico: Sobre fondo azul (de azur) un arpa amarela (de ouro). O escudo da República de Irlanda conta cos mesmos elementos.
Os catro cuarteis aparecen rodeados pola insignia da Orde da Xarreteira na que figura o seu propio lema: "Honi soit qui mal y pense" (en francés antigo: "Maldito sexa o malpensado"). En heráldica, as dúas figuras que sosteñen o escudo denomínanse tenantes ou soportes. Por Inglaterra figura un león rampante coroado de ouro, na posición máis próxima ó primeiro cuartel, que está ocupado polo seu brasón. No outro lado, xunto ó brasón escocés, figura un unicornio branco, coroado e encadeado. A figura do unicornio foi empregada como soporte do escudo dos monarcas escoceses.
As armas reais aparecen timbradas cun helmo adornado cun lambrequín de cor amarela, por un lado, e de armiño polo outro. O helmo está situado baixo a coroa real inglesa coñecida como a Coroa dos Tudor que é a que usan os reis británicos salvo en Escocia. Sobre a coroa esta colocada a cimeira, un adorno que se situaba sobre o casco, outro león máis pequeno coroado de ouro.
Na parte inferior, sobre un montículo e cor verde, aparecen colocados os emblemas vexetais de Inglaterra (unha rosa heráldica), Escocia (unha flor de cardo) e Irlanda (un trevo). Nunha cinta de cor azul está escrito o lema do Reino Unido: "Dieu et mon droit" (en francés: "Deus e o meu dereito").
Ata o reinado de Xurxo III figurou tamén o brasón dos reis de Francia. O trono francés foi reclamado polos reis de Inglaterra durante a Idade Media. Logo da desaparición do cuartel francés incorporouse o dos monarcas de Hannover. Estes últimos foron eliminados durante o reinado da raíña Vitoria.
Versión escocesa
[editar | editar a fonte]En Escocia, o monarca británico utiliza un escudo de armas con algunhas modificacións. Aparecen os mesmos cuarteis pero alterase a súa orde para dar preferencia ó escocés que aparece desta forma no primeiro e no carto. A xarreteira é substituída polo colar da Orde escocesa do Cardo e os tenantes ou soportes son os mesmos pero o unicornio escocés, portando a coroa real escocesa, tamén pasa a ocupar o lugar preferente. Tanto o unicornio coma o león suxeitan os estandartes escocés e inglés.
A coroa de San Eduardo tamén é substituída pola que usaron os antigos monarcas escoceses e sobre ela sitúase a súa cimeira, un león coroado de goles que sostén unha espada e un cetro.
Ó pé, tamén fóra do escudo, só aparece a flor do cardo e unha cinta co lema escocés: "Nemo me impune lacessit" ("Ninguén me ofende impunemente").
Evolución histórica
[editar | editar a fonte]O escudo actual é unha combinación dos escudos dos reinos que forman o Reino Unido. Na táboa aparecen os escudos desde Henrique II de Inglaterra e Guillerme I de Escocia.
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
.svg)
![[1]](?x=http://www.heraldica.org/topics/britain/pics/h6_salut.jpg){kind=link}
Versións do Goberno
[editar | editar a fonte]_(Tudor_Crown).svg)
.svg)
O goberno británico utiliza unha versión simplificada das armas reais na que non aparece o helmo. Esta versión non foi definida oficialmente como escudo nacional, pero aparece nos pasaportes e nas bandeiras das embaixadas do Reino Unido.
Escocia
[editar | editar a fonte]A Oficina para Escocia, un organismo dependente do Ministerio de Xustiza do Reino Unido responsable das competencias non transferidas polo Goberno Británico ó Executivo Autónomo da Rexión e das relacións entre ambos, emprega unha variante das armas reales utilizadas en Escocia sen o helmo nin os estandartes dos soportes.
Notas
[editar | editar a fonte]- ↑ Un trechor é o nome que recibe unha cinta estreita, dobre e decorada con flores
- ↑ 2,0 2,1 2,2 Burke, John; Burke, John Bernard. General Armory of England, Scotland and Ireland. Londres: Henry G. Bohn, 1844, p. 58
- ↑ Francisco Olmos, José María de. Las primeras acuñaciones del príncipe Felipe de España (1554-1556): Soberano de Milán Nápoles e Inglaterra, p.162 (nota 14) Arquivado 10 de outubro de 2012 en Wayback Machine..
- ↑ Heather, Thomas. Armas reales de Isabel I. Elizabeth I Arquivado 26 de xuño de 2010 en Wayback Machine. (en inglés). Consultado el 31/07 de 2010.
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Royal.gov.uk- Escudo de Armas Arquivado 04 de marzo de 2009 en Wayback Machine. (en inglés)
- Number 10 Downing Street- Real Escudo de Armas (en inglés)
- Heraldica.org- Escudo de Gran Bretaña (en inglés)