Bríxida de Irlanda

Bríxida de Irlanda
	;
Nome orixinal	(ga) Naomh Bhríde
Biografía
Nacemento	451 ; Faughart, Irlanda (en)
Morte	1 de febreiro de 523 (71/72 anos); Kildare, Irlanda (pt)
Lugar de sepultura	Downpatrick (en)
Abadesa
Datos persoais
Relixión	Cristianismo celta
Actividade
Campo de traballo	Cristianismo e monastic life (en)
Ocupación	monxa, bispo
Enaltecemento
	santa ;
Día de festividade relixiosa	1 de febreiro
Descrito pola fonte	Dictionary of National Biography; Dictionary of National Biography (pt) ; Dicionario Enciclopédico Brockhaus e Efron

Bríxida de Irlanda ou Bríxida de Kildare (Santa Bríxida), nada o 451 en Faughart preto de Dundalk en Irlanda e finada o 525 en Kildare, é unha santa da Igrexa católica e da Igrexa ortodoxa.

Vida

O pai de Bríxida foi un rei pagán escocés, a nai foi unha escrava cristiá, bautizada por San Patricio. Foi chamada así segundo a deusa dos celtas: "Brigid".

Bríxida construíu unha cela baixo a sombra dun gran carballo, arredor da que varias mulleres reuníanse tomándoa como nai. Despois funda no lugar un convento arredor do cal se forma a vila de Kildare (do gaélico Cill, 'igrexa', Dara, 'carballo'). Adopta para o seu convento a regra de San Cesáreo contra o ano 513. Esta regra foi retomada por varios conventos de Irlanda. Este convento é o primeiro mosteiro dobre de Europa: agrupaba a relixiosas e relixiosos.

Faleceu en Kildare e foi soterrada en Downpatrick cos santos Patricio e Columba de Iona, cos que comparte o padroado de Irlanda.

A súa festividade celébrase o 1 de febreiro. Dende o último terzo do século XX xurdiu unha controversia sobre a evidencia histórica de Bríxida, establecendo que once persoas coas que Bríxida estivo asociada son presentadas de forma independente en distintas fontes, que sitúan a súa morte en torno ao ano 523 (nos Anais de Tigernach e o Chronicon Scotorum) e o seu nacemento contra o ano 451 (unha data calculada a partir dunha idade suposta de 72 anos no momento da súa morte. ^[1]

Ademais as diversas biografías escritas por diferentes autores fornecen feitos conflitivos sobre a súa vida. Tres desas biografías concordan en que a súa nai era unha escrava na corte de seu pai, Dubhthach, un rei de Leinster.

Algúns historiadores suxestionan que a historia de Santa Bríxida foi sincretizada^[2] con riscos da deusa pagá Brigid. Segundo a historiadora medievalista Pamela Berger, os freires cristiáns tomaron a antiga figura da deusa nai e trasladaron o seu nome e funcións nunha contrapartida cristiá.^[3]

Notas

↑ O debate sobre as datas dos anais e a veracidade das datas relacionadas con Santa Bríxida continúa, véxase A.P. Smyth, "The earliest Irish annals: their first contemporary entries and the earliest centres of recording", Proceedings of the Royal Irish Academy lxxii C (1972), pp1–48, and Daniel McCarthy: "The chronology of St Brigit of Kildare", in Peritia, xiv (2000), pp255–81.
↑ [1], Laberinto Románico. Imbolc e Amburbale: “Festa Candelarum” ...A Deusa Nai Brigit, “a ensalzada”, filla de Dagda, o druída dos deuses, é padroeira de bardos, ferreiros, menciñeiros e parturientes. Cando a nova relixión chegou a Irlanda, Brigit, foi sincretizada coma santa Brigit e noutros lugares coma Bríxida...
↑ Modelo:Cite isbn

Véxase tamén

Outros artigos

Ligazóns externas

Cogitoso (Cogitosus, monxe de Kildare: fl. ca. 650): La vida de Santa Brígida (Vita Sanctae Brigidae).
- Texto bilingüe latín - francés no sitio de Philippe Remacle (1944 - 2011): trad. de Marc Szwajcer.
- Entrada de «Cogitoso» (Cogitosus) na edición de 1913 da Enciclopedia Católica en inglés: reprodución en Wikisource.

[1] O debate sobre as datas dos anais e a veracidade das datas relacionadas con Santa Bríxida continúa, véxase A.P. Smyth, "The earliest Irish annals: their first contemporary entries and the earliest centres of recording", Proceedings of the Royal Irish Academy lxxii C (1972), pp1–48, and Daniel McCarthy: "The chronology of St Brigit of Kildare", in Peritia, xiv (2000), pp255–81.

[2] [1], Laberinto Románico. Imbolc e Amburbale: “Festa Candelarum” ...A Deusa Nai Brigit, “a ensalzada”, filla de Dagda, o druída dos deuses, é padroeira de bardos, ferreiros, menciñeiros e parturientes. Cando a nova relixión chegou a Irlanda, Brigit, foi sincretizada coma santa Brigit e noutros lugares coma Bríxida...

[3] Modelo:Cite isbn

[1]

[2]

[3]