Amputación

Amputation
	Clasificación e recursos externos
	J. McKnight, que perdeu as súas extremidades nun accidente en 1865, é a segunda persoa sobrevivente a unha amputación tripla da que se ten coñecemento.
ICD-10	T14.7
	Aviso médico. Advertencia: A Wikipedia non dá consellos médicos.; Se cre que pode requirir tratamento, por favor, consúltello ao médico.

A amputación ou mutilación é a perda, accidental ou non (por exemplo e especialmente a operación cirúrxica na que se secciona completamente un membro incluíndo o óso e as partes brandas), dun membro ou dunha parte externa do corpo. Cando coincide cunha articulación denomínase desarticulación.^[1]

As amputacións dos dedos das mans danse, por seren atrapados en máquinas, con frecuencia no medio laboral. Se o corte que produce a amputación é limpo, é dicir, non se xera mediante esmagamento ou arrancamento, inténtase actualmente -e normalmente de xeito exitoso- o reimplante.

Reimplantación

Para poder reimplantar unha porción amputada, debe evitarse que esta se conxele. É conveniente envolvela nun tecido limpo, metela nunha bolsa de plástico e pechala ben, para despois introducir esta bolsa noutra que conteña auga e xeo. Deberase inmediatamente pedir axuda sanitaria de emerxencia e poñer unha vendaxe comprensiva se fose un dedo. Se fose unha extremidade e houbese moita hemorraxia, farase un torniquete.

Membro pantasma

A dor nas extremidades fantasma ou pantasma, síndrome do membro pantasma^[2], ou dor pantasma^[3] é unha síndromes de dor clínica e un dos exemplos máis relevantes de dor crónica. O amputado menciona a percepción dun membro fantasma, até dun órgano, ^[4] ^[5] ^[6] case inmediatamente despois da amputación do membro. Normalmente descríbese como unha forma precisa do membro real desaparecido.

Artigo principal: Membro pantasma.

Próteses

Unha prótese é un aparello que suple, en todo ou en parte, as funcións do órgano ou extremidade perdida nas persoas que por enfermidade ou accidente non a teñen, coma os tocos ou os coxos, ou esta non é funcional.

Este artigo sobre medicina é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

Notas

↑ "bUSCatermos; amputación, desarticulación". aplicacions.usc.es. Consultado o 2022-07-25.
↑ "bUSCatermos; síndrome do membro pantasma". aplicacions.usc.es. Consultado o 2022-07-25.
↑ "bUSCatermos; dor pantasma". aplicacions.usc.es. Consultado o 2022-07-25.
↑ Mitchell, S. W. (1871). "Phantom limbs". Lippincott's Magazine of Popular Literature and Science 8: 563–569.
↑ Melzack, R. (1992). "Phantom limbs" (PDF). Scientific American: 120–126.
↑ "The perception of phantom limbs" (PDF). Brain 121: 1603–1630. 1998. PMID 9762952. doi:10.1093/brain/121.9.1603.

Véxase tamén

Outros artigos

Primeiros auxilios

[1] "bUSCatermos; amputación, desarticulación". aplicacions.usc.es. Consultado o 2022-07-25.

[2] "bUSCatermos; síndrome do membro pantasma". aplicacions.usc.es. Consultado o 2022-07-25.

[3] "bUSCatermos; dor pantasma". aplicacions.usc.es. Consultado o 2022-07-25.

[Mitchell-4] Mitchell, S. W. (1871). "Phantom limbs". Lippincott's Magazine of Popular Literature and Science 8: 563–569.

[Melzack1992-5] Melzack, R. (1992). "Phantom limbs" (PDF). Scientific American: 120–126.

[RamachandranHirstein1998-6] "The perception of phantom limbs" (PDF). Brain 121: 1603–1630. 1998. PMID 9762952. doi:10.1093/brain/121.9.1603.

[1]

[2]

[3]

[4]

[5]

[6]