Billy Joel

Billy Joel
	; (2009)
Beathaisnéis
Breith	(en) William Martin Joel ; 9 Bealtaine 1949 ; 75 bliana d'aois; Nua-Eabhrac (Stáit Aontaithe Mheiriceá)
Faisnéis phearsanta
Reiligiún	Aindiachas
Scoil a d'fhreastail sé/sí	Ollscoil Syracuse ; Ardscoil Hicksville
Airde	1.66 m
Gníomhaíocht
Gairm	amhránaí is scríbhneoir, cumadóir, pianódóir, amhránaí
Tréimhse oibre	1964 –
Ball de	Billy Joel Band (en)
Seánra	Popcheol rac, rac is roll, rac bog agus ceol clasaiceach comhaimseartha
Faoi thionchar	The Beatles
Teangacha	Béarla
Cineál gutha	Teanóir; ;
Uirlis	Cairdín, pianó, giotár, orgán, ceol gutha, sintéiseoir, cairdín pianó agus uirlis mhéarchláir
Lipéad ceoil	Columbia Records ; Sony Music ; Philips Records ; Sony Classical
Saothar
	Saothar suntasach (1978) The Stranger; (1980) It's Still Rock and Roll to Me; (1980) You May Be Right; (1982) Pressure; (1982) Allentown; (1983) Uptown Girl; (1983) Tell Her About It; (1984) The Longest Time; (1986) Modern Woman; (1986) The Bridge; (1989) We Didn't Start the Fire ;
Teaghlach
Céile	Christie Brinkley (1985–1994); Katie Lee (2004–2010); Alexis Roderick (2015–)
Páiste	Alexa Ray Joel; ( Christie Brinkley); Della Rose Joel; ( Alexis Roderick)
Athair	Howard Joel
	Gradam a fuarthas (2015) dochtúireacht oinigh ó Ollscoil Stáit Nua-Eabhrac, Stony Brook; (2014) Duais Gershwin; (2006) dochtúireacht oinigh ó Ollscoil Syracuse; (2005) ASCAP Foundation Champion Award (en) ; (2002) MusiCares Person of the Year (en) ; (2001) Gradam Johnny Mercer; (1999) Rock and Roll Hall of Fame; (1997) dochtúireacht oinigh ó Ollscoil Hofstra; (1991) Grammy Legend Award (en) ; (1980) Grammy Award for Album of the Year (en) , as a saothar 52nd Street; réalta ar Hollywood Walk of Fame; Gradam Kennedy Center ;
	Síniú
Suíomh gréasáin	billyjoel.com

Is amhránaí, pianódóir, scríbhneoir, cumadóir agus ceoltóir Meiriceánach é William Joseph Martin "Billy" Joel (9 Bealtaine 1949 a rugadh é). D’eisigh sé a chéad amhrán mór-ráchairte, Piano Man, sa bhliain 1973. Is é an séú ceoltóir is mó díol sna Stáit Aontaithe é, dar leis an RIAA. Bhí amhráin rathúla ag Joel san 1970idí, 1980idí agus na 1990idí. Tá sé Ghradam Grammy buaite aige agus díoladh breis is 150 milliún dá chuid go dtí seo. D’éirigh sé as rac-cheol a thaifeadadh sa bhliain 1993 ach lean sé air ag dul ar camchuairt. Bhí an cheolchoirm dheireanach dá chuid in Éirinn i bPáirc an Chrócaigh ar 29 Iúil 2006.

Óige

Rugadh é sa Bronx i Nua-Eabhrac agus tógadh é i Hicksville, Nua-Eabhrac. Is duine de bhunadh Giúdach é agus tháinig a athair go Meiriceá ar dtús agus é ag teitheadh ó na Naitsithe sa Ghearmáin. Bhí suim mhór ag Billy sa cheol agus é óg, go háirithe sa cheol clasaiceach Eorpach. Thosaigh sé ar sheinm an phianó a fhoghlaim agus é an-óg. Rinneadh tromaíocht air go minic agus é ar scoil mar gheall ar an tsuim a bhí aige sa cheol, agus gan suim dá laghad aige sa spórt. Bhí sé ina dhornálaí ar feadh tamaill, scil a d’fhoghlaim sé chun é féin a chosaint. Ach d’éirigh sé as an spórt tar éis gur briseadh a shrón i dtroid amháin. D’fhág sé an mheánscoil gan cháilíocht agus chrom sé ar ghairm cheoil a bhaint amach dó féin.

Gairm Cheoil

Chinn Billy ar bheith ina cheoltóir tar éis dó The Beatles a fheiceáil ar The Ed Sullivan Show sa bhliain 1964. Ba iad ‘The Echoes’ an chéad bhanna a mbíodh sé ag seinm leo. D’athraigh an banna a n-ainm dhá uair go dtí The Emeralds and ansin go dtí The Lost Souls. D’fhág sé an banna sin ansin le dul ag seinm leis an mbanna, The Hassles, arbh as Long Island iad. D’eisigh an banna sin dhá albam; The Hassles (1967) agus Hour of the Wolf (1968) chomh maith le ceithre shingil ó na halbaim sin. Theip go tubaisteach ar an hiarrachtaí ó thaobh díolachán de agus tháinig deireadh leis an mbanna sa bhliain 1969. Tar éis dó seo tarlú, chruthaigh Joel dísreach le drumadóir The Hassles, John Small, darbh ainm Attila. D’eisigh siad an t-aon albam amháin sa bhliain 1970 agus scoir ansin.

Is gnách go mbíonn úinéireacht an taifeadta luaite leis an gcomhlacht ceirníní. Ach tá Billy Joel ar na ceoltóirí a bhfuil an n-ainm féin mar úinéir cóipchirt ar na ceirníní uaidh féin.

Tionchar ar a chuid ceoil

Chuaigh go leor cineálacha ceoil i bhfeidhm ar Billy Joel agus é i mbun cumadóireachta. Ar dtús ba é an ceol clasaiceach a d’imir tionchar air. Ach ba iad na ceoltóirí is mó a chuaigh i bhfeidhm air ná Ray Charles agus The Beatles, go háirithe Paul McCartney.^[1] Is é ‘Ray’ an dara ainm ag iníon Joel, Alexa Ray Joel, in onóir Ray Charles.

Saol pearsanta

Joel ag seinm sa bhliain 2007 i Florida.

Phós Billy Joel trí huaire i ndiaidh a chéile. Bhí sé pósta lena bhainisteoir gnó, Elizabeth Webber (Elizabeth Small) ó 1973 go 1982, le Christie Brinkley ó 1985 go 1994 agus rugadh iníon amháin dóibh, mar atá, Alexa Ray Joel. Phós sé a bhean chéile reatha, Kate Lee, ar 2 Deireadh Fómhair 2004.^[2]

Tá fadhbanna alcóil ag Joel le fada an lá agus tá tréimhsí caite aige in ionaid athinmheacháin tríd na blianta.^[3]

Albaim

Albaim stiúideo

Cold Spring Harbor (1971)
Piano Man (1973)
Streetlife Serenade (1974)
Turnstiles (1976)
The Stranger (1977)
52nd Street (1978)
Glass Houses (1980)
The Nylon Curtain (1982)
An Innocent Man (1983)
The Bridge (1986)
Stormfront (1989)
River of Dreams (1993)

Albaim bheo

Songs in the Attic (1981)
КОНЦЕРТ (1987)
2000 Years: The Millennium Concert (2000)
12 Gardens Live (2006)

Albaim dhíolama

Greatest Hits, Vols. 1 & 2 (1985)
Billy Joel – The Ultimate Collection
The Essential Billy Joel (2001)
Greatest Hits, Vol. 3 (1997)
The Complete Hits Collection: 1973–1997 (1997)
Piano Man: The Very Best of Billy Joel (2004)
My Lives (2005)

Tagairtí

↑ "Cóip cartlainne". Cartlannaíodh an bunleathanach ar 2007-12-20. Dáta rochtana: 2007-12-18.
↑ http://www.msnbc.msn.com/id/6161304/
↑ http://www.cbsnews.com/stories/2005/03/16/entertainment/main681053.shtml

Naisc sheachtracha

[1] "Cóip cartlainne". Cartlannaíodh an bunleathanach ar 2007-12-20. Dáta rochtana: 2007-12-18.

[2] ttp://www.msnbc.msn.com/id/6161304/

[3] ttp://www.cbsnews.com/stories/2005/03/16/entertainment/main681053.shtml

[1]

[2]

[3]