Basilikata

Basilikata; Basilicata
Lokaasje yn Itaalje
Algemien
Haadstêd	Potenza
Oerflakte	10.073 km²
Befolking	532.088 (30.06.2024)
Befolkingstichtens	52,82 ynw./km²
Oare ynformaasje
Heechste punt	Monte Pollino: 2.197 m
Oantal gemeenten	131
Provinsjes	Matera, Potenza

Basilikata (ek wol Lûkaanje neamd) is in regio yn it suden fan Itaalje. De regio waard yn 1948 oprjochte. De regio grinzget oan Kampaanje yn it westen, Apûlje yn it easten en Kalaabrje yn it suden. It hat in koarte kuststripe mei de Tyrreenske See en mei de Golf fan Tarente (part fan de Ioanyske See) oan de súdeastkant.

Oer it algemien is de regio bercheftich, mei as heechste punt op de súdlike Apeninen, de Monte Pollino (2.197 m). Monte Fulture, yn de noardwestlike hoeke, is in útdôve fulkaan (1.310 m). Basilikata is nei de regio Aostadelling yn it noarden fan it lân de tinst befolke regio fan Itaalje.

Nijsgjirrichheden

Basilikata is in regio dy't noch net echt ûntdekt is troch it toerisme. De meast nijsgjirrichste stêd om te besjen yn de regio is Matera mei har Sassi di Matera, de prehistoaryske grotwenten. Fierders beskikt it gebiet oer in protte karakteristike lytse plakjes krektas Pistissi, Melfi, Verrandina en it ferlitten Craco. Tichtby de Ioanyske kust, mei syn sânstrânen, leit it archeologyske park fan Metaponto mei ruïnes fan in Grykske timpel út de 7e iuw f.Kr.

Provinsjes

De regio bestiet út de twa provinsjes Matera en Potenza:

Kaart	Wapen	Provinsje	Ofk.	Haadstêd	oantal gemeenten
		Matera	MT	Matera	31
		Potenza	PZ	Potenza	100

Grutste plakken

De grutste plakken neffens ynwennertal (sifers ISTAT desimber 2021) binne:

#	Plak	Ynwennertal	Provinsje	Hichte (m boppe seenivo)	Oerflak (km²)
1	Potenza	64.786	PZ	819	175,43
2	Matera	59.869	MT	401	392,09
3	Policoro	17.779	MT	25	67,66
4	Melfi	17.108	PZ	530	206,23
5	Pisticci	16.832	MT	364	233,67
6	Lavello	12.996	PZ	313	134,67
7	Rionero in Vulture	12.620	PZ	643	53,52
8	Bernalda	12.005	MT	127	126,19
9	Lauria	11.993	PZ	430	176,63
10	Venosa	10.998	PZ	415	170,39
11	Avigliano	10.708	PZ	867	85,48
12	Montescaglioso	9.194	MT	365	175,79

Ofbylden

Matera
Craco.
De Lukanyske Dolomiten
Utsjoch op 'e delling fan Basento
Monte Papa.

Keppeling om utens

Ofbylden dy't by dit ûnderwerp hearre, binne te finen yn de kategory Basilikata fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·