EB/Streymur

EB/Streymur
Navn	EB/Streymur
Stovnað	1993
Leikvøllir	Í Hólmanum Eiði
Rúmd	1.000
Formaður	Jógvan í Skorini
Høvuðsvenjari	Sigfríður S. Clementsen
Liga	Betrideildin
2024	7. pláss (Betrideildin)
Heimasíða	http://www.ebstreymur.fo
Heimavøllur Útivøllur

EB/Streymur er eitt fótbóltsfelag í Sundalagnum, sum varð stovnað í 1993 við at Eiðis Bóltfelag (EB) av Eiði (stovnað 1913) og Ítróttarfelagið Streymur (stovnað 1976) løgdu saman. Heimavøllurin var fyrstu árini á Mølini á Eiði, men frá 2006 til 2017 vóru heimadystirnir leiktir frammi við Margáir í Streymnesi. Í 2017 stóð snotiliga stadionøkið klárt í Hólmanum á Eiði, og fyrstalið leikti sínar heimadystir har í 2018 og 2019, meðan ítróttarøkið við Margáir varð umvælt. Í 2020 vóru heimadystirnir við Margáir og í 2021 aftur í Hólmanum. Avtalað er, at skifta heimavøll einaferð um árið - millum Eiði og Streymnes.

EB/Streymur var fyrstu ferð í bestu deildini í 1994, men endaði niðast, og flutti niður. Í 2001 vóru teir aftur í bestu deildini hjá monnum, og har hildu teir sær í fleiri ár, men í 2015 endaði liðið á aftasta plássi í Effodeildini og flutti niður í 1. deild. Í 2016 vann EB/Streymur 1. deild við 67 stigum og flutti upp aftur í bestu deildina, har teir hava verið síðani.

Í 2022 endaði EB/Streymur nr. 5 í Betrideildini.

Sigrar

EB/Streymur og FC Suðuroy dystast um Løgmanssteypið flaggdagin 2010. EB/Streymur vann 4-1.

• Effodeildin: 2

2008, 2012

• Løgmanssteypið: 4

2007, 2008, 2010, 2011

• Stórsteypadystur: 3

2011, 2012, 2013

• 1. deild: 1

2000

UEFA Cup, UEFA Champions League og Europa League

EB/Streymur hevur fleiri ferðir luttikið í UEFA Europa League. Í 2013 komu teir víðari eftir 1. innleiðandi rundu (1. kvalifikasjónsrunda).

• Q= Kvalifikatión (Qualification)

Tíðarskeið	Kapping	Runda	Land	Felag	Heima	Úti	Samanlagt
2007–08	UEFA Cup	1	Finnland	MyPa-47	1–1	0–1	1–2
2008–09	UEFA Cup	1	Ongland	Manchester City	0–2	0–2	0–4
2009–10	UEFA Champions League	Q2	Kýpros	APOEL Nicosia	0–2	0–3	0–5
2010–11	Europa League	Q1	Svøríki	Kalmar FF	0–3	0–1	0–4
2011–12	Europa League	Q2	Aserbadjan	Qarabağ	1–1	0–0	1–1
2012/13	Europa League	Q1	Armenia	Gandzasar	3–1	0–2	3–3 (a)
2013–14	UEFA Champions League	Q1	Andorra	Lusitanos	5–1	2–2	7–3
		Q2	Georgia	Dinamo Tbilisi	1–3	1–6	2–9

Slóðir úteftir

• Heimasíðan hjá EB/Streymi