Cardiff

Søguligir bygningar í Cardiff.

Cardiff (walisiskt: Caerdydd) er høvuðsstaður og størsti býur í Wales.

Havnarbýurin liggur í greivadøminum Glamorgan, í syðra partinum av Wales, fram við Bristolkanalini. Í 2019 búðu í Cardiff fleiri enn 354 túsund fólk.

River Taff er navnið á ánni, sum rennur igjøgnum býin.

Søga

Í 1081 reisti enski kongur, Vilhjálmur hertakarin, har á staðnum á gomlum rómverskum múrum eina borg, sum verður nevnd á enskum Cardiff Castle og Castell Caerdydd á walisiskum. Navnið Cardiff er av keltiskum uppruna. Fyrstu ferð varð tað nevnt í einum skjali frá 1093.

Í byrjanini av 19. øld var Cardiff ikki meira enn ein lítil býur. Men býurin vaks skjótt og havnarlagið, Cardiff Docks, bleiv týðandi havn, serliga fyri útflutning av koli. Í 1881 gjørdist Cardiff størsti býur í Wales og ein lærdur háskúli varð settur á stovn longu í 1883, men ikki fyrr enn í 1905 fekk Cardiff framíhjárættindini sum býur (city). Hin 20. desember 1955 gjørdist býurin høvuðsstaður í Wales.

Síðan 1999 er walisiska tjóðartingið (Senedd Cymru – Welsh Parliament) staðsett í Cardiff.

Myndir

• 
  Cardiff Castle/Castell Caerdydd
• 
  Parturin av borgini, ið varð reistur í 19. øld.
• 
  Ráðhúsið (Cardiff City Hall)
• 
  Queen Street í miðbýinum
• 
  Newport Road í miðbýinum
• 
  University of Wales
• 
  Walisiska tjóðarsavnið
• 
  Høvuðsbygningurin hjá walisiska landstýrinum.
• 
  Viðarlundin Cardiff Bute Park
• 
  Mermaid Quay
• 
  Cardiff Bay úr erva
• 
  Cardiff Bay
• 
  Cardiff Bay

Sí eisini

• Cardiff City F.C.

Ávísingar úteftir

• Heimasíða: cardiff.gov.uk Archived 2021-02-01 at the Wayback Machine (á enskum)
• visitcardiff.com (á enskum)
• Cardiff, wikivoyage.org (á enskum)