Yehuda Amichai

Yehuda Amichai
	; Irudi gehiago
Bizitza
Jaiotzako izen-deiturak	Ludwig Pfeuffer
Jaiotza	Würzburg, 1924ko maiatzaren 3a
Herrialdea	Alemania ; Israel (1948ko maiatza -
Heriotza	Jerusalem, 2000ko irailaren 22a (76 urte)
Hobiratze lekua	Sanhedria Cemetery (en)
Heriotza modua	berezko heriotza: minbizia
Hezkuntza
Heziketa	Jerusalemgo Unibertsitate Hebrearra
Hizkuntzak	hebreera; alemana
Jarduerak
Jarduerak	poeta, idazlea, eleberrigilea, hezitzailea, antzerkigilea eta itzultzailea
Enplegatzailea(k)	New Yorkeko Unibertsitatea ; Kaliforniako Unibertsitatea Berkeleyn ; Jerusalemgo Unibertsitate Hebrearra
Jasotako sariak	ikusi Israel Saria (1982) ; Bialik Prize (1976) ; PEN Oakland/Josephine Miles Literary Award (2001) ; ACUM award (1970) ; honorary doctorate of the Weizmann Institute of Science ; Würzburg Cultural Prize (1981) ; Brenner Prize (1969) ; Fellow of the American Academy of Arts and Sciences (1986) ; Abraham Shlonsky Literary Award (1957) ; Jerusalem saria (1982) ; Jerusalem saria (1986) ; Golden Wreath (1995) ;
Kidetza	Alemaniako hizkuntza eta literatura akademia; Arteen eta Zientzien Ameriketako Estatu Batuetako Akademia
Genero artistikoa	olerkigintza; drama
Zerbitzu militarra
Adar militarra	Britainia Handiko Armada
Parte hartutako gatazkak	Bigarren Mundu Gerra; 1948ko Arabiar-israeldar Gerra

Yehuda Amichai (hebreeraz: יהודה עמיחי; Würzburg, 1924 – Jerusalem, 2000) israeldar poeta izan zen.

Bizitza

1935ean Palestinara emigratu zuen eta han amaitu zituen ikasketak. Independentziako gerran parte hartu zuen. Bera idazten hasi zenean abertzaletasun sutsuena igaroa zen eta «Estatuko belaunaldia» izenez ezagutzen den joeraren barruan idatzi zuen. Poesiaren gai unibertsalak eta egunerokotasunari lotuak dira joera horrek erabiltzen zituen gai nagusiak. Shlonski buru zela, aurreko belaunaldiak balio heroikoak goraipatu baldin bazituen, Amichairen poesiak kutsu antimilitarista zuen batzuetan. Bere belaunaldiko beste poeta gazte batzuekin Liqrat (Elkartzera) taldea osatu zuen. Bere lehen liburuan, Orain eta beste egun batzuetan (1955) giza bizitza, esperientzia eta zoriona izan ziren bere ardura nagusiak. Geroagoko lanetan, Bi itxaropenen urruntasunean (1958), Denbora (1977) eta Amodiozko poemak (1981) lanetan, esaterako, gizonen eta emakumeen, gurasoen eta seme-alaben arteko eguneroko harremanak, tristura eta abar landu zituen. Bizitza praktikoaren hizkera, eguneroko gauzak, argota, poesiaren gai egin zituen. Prosazko lanak ere idatzi zituen, esate baterako Ez hemengoa eta ez oraingoa (1963), eta baita antzerkiak ere: Niniverako bidaia (1962) eta Kanpaiak eta trenak (1968).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q58612
Multimedia: Yehuda Amichai / Q58612