Klaus Huber

Klaus Huber
	; (1981) Irudi gehiago
Bizitza
Jaiotza	Berna, 1924ko azaroaren 30a
Herrialdea	Suitza
Heriotza	Perugia, 2017ko urriaren 2a (92 urte)
Hezkuntza
Heziketa	Zurich University of the Arts (en)
Hizkuntzak	alemana
Irakaslea(k)	Boris Blacher (mul)
Ikaslea(k)	ikusi Ole Lützow-Holm (en) ; Toshio Hosokawa (en) ; Reinhard Febel (mul) ;
Jarduerak
Jarduerak	musikagilea, musika-irakaslea, unibertsitateko irakaslea, biolin-jotzailea eta orkestra zuzendaria
Enplegatzailea(k)	Hochschule für Musik Freiburg (en)
Jasotako sariak	ikusi Reinhold Schneider Prize (1984) ; Ernst von Siemens Music Prize (2009) ; Kultur- und Friedenspreis der Villa Ichon (2002) ; Honorary Member of the International Society for Contemporary Music ;
Kidetza	Berlingo Arteen Akademia; Bavariako Arte Ederren Akademka
Genero artistikoa	opera
Musika instrumentua	biolina
	klaushuber.ch

Klaus Huber (Berna, 1924ko azaroaren 30a - Perugia, 2017ko urriaren 2a) suitzar musikagilea izan zen.

Zuricheko Kontserbatorioan hasi zituen musika-ikasketak (1947-1949), eta Berlineko goi-mailako musika-eskolan osatu zituen (1955-1956) Boris Blacher musikagilearekin. 1964an Paul Sacher orkestra-zuzendariak Basileako Kontserbatorioko musikagintza eta instrumentazio-eskolen ardura eman zion; haren aurretik, Pierre Boulez eta Henri Pousseur arituak ziren lan berean. 1979an musikagintza irakasle izendatu zuten Friburgoko Goi Mailako Musika Eskolan. Huberren lana Webernen ondoko musikagileenen artean zabalenetakoa eta garrantzitsuenetakoa da, eta hala Errenazimentuko eta Erdi Aroko idazkera tradizioen, nola musika serialaren eta elektroakustikoaren tekniken eragina du. Bere soinu arkitekturetan masaren eta xehearen arteko oreka nabarmentzen da, eta maisutasun handia du orkestraren eta ahotsen idazkeran. Aipagarriak ditu lan hauek: Soliloqua (1959-1964), San Agustinen testu batean oinarritua, bakarlari, koru eta orkestra handiarentzat; Tenebrae (1966-1967), orkestra handiarentzat; Inwendig voller Figur& (1970-1971), koru, banda magnetiko eta orkestra handiarentzat, San Joanen Apokalipsiaren testuetan oinarritua; Im Paradis oder Der Alte vom Berge (1973-1975), bost ekitaldiko opera, alemanera itzulitako Alfred Jarryren testu batean oinarritua, mimo, antzezle, kantari bakarlari, koru misto, banda magnetiko eta orkestrarentzat, eta Erniedrigt-Geknechtet-Verlassen (1981) oratorioa, besteak beste.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q124092
Multimedia: Klaus Huber / Q124092