Irudi

Irudia izaki edo gauzaki bat adierazten edo gogoratzen duten lerro, kolore edo formen multzoa da.^[1] Normalean ikus- irudipenekin lotzen badugu ere, beste hautematerako ere erabil dezakegu. Barnealdean bizi garen irudiak, fisikoak ez direnak, irudi mentalak dira.

Irudi digitalari dagokionez bi mota nagusi bereizten dira, bit-mapak eta bektorialak. Lehenengoak pixelez osatzen dira eta sortzeko modua, marrazteaz gain, eskaneatzea eta argazkia ateratzea da. Bektorialak ordea oinarrizko elementu geometrikoen konbinazioz sortzen dira. Elementu horiek nodoak edo kokatze-puntuak, lerro lodierak, koloreak eta abar dituzte. Oro har irudi bektorialak grafikoetan eta diseinu lanetan erabiltzen dira eta bit-mapak baino arinagoak eta eskalagarriak dira.