Hamearis lucina

Hamearis lucina
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Riodinidae
Generoa	Hamearis
Espeziea	Hamearis lucina; (Linnaeus, 1758)
Datu orokorrak
Ostalaria	Sanjose-lore eta Udaberri-lore usaindun

Hamearis lucina Riodinidae familiako tximeleta da, Europa osoan bizi dena^[1].

Deskribapena

Tximeleta txikia da, arrak 29-31 mm arteko hegal zabalera du eta emea zerbait handiagoa da, 31-34 mm. Xake taula baten itxurako hegalak ditu, hegal marroi.ubelak eta orban laranja ugari, batez ere hegalen kanpoaldera. Azpialdea argiagoa da eta atzeko hegaletan gelaxka zuri nabarmenak agertzen dira.

Bizi zikloa

Tximeletak arrautzak multzo txikitan jartzen ditu elikagai izango duten landareen hostoen azpian. Handik jaiotzen diren beldarrak ia gardenak dira eta ile luzeak dituzte. Hostoen peziolotan gordetzen dira egunez eta gauez ateratzen dira elikatzera. Denborak aurrera egin ahala berde kolorea hartzen dute.

Pupa aldiak bederatzi hilabete irauten ditu eta hilkortasun tasa handia izaten dute, karraskariek eta bareek jaten dituztelako. Tximeleta helduak maiatza eta ekaina artean ikusten dira hegan^[2].

Habitata

Bi eremutan aurkitzen da, karezko lurzorua duten zelaietan eta antzinako basoetako argiunetan.

Erreferentziak

↑ M. Oates & A. M. Emmet. (1990). The Butterflies of Great Britain and Ireland. 7 Part 1 (Hesperiidae to Nymphalidae) Colchester: Harley Books, 177–179 or. ISBN 0946589372..
↑ (Gaztelaniaz) «Hamearis lucina (Perico)» guadarramistas 2011-05-10 (Noiz kontsultatua: 2023-05-16).