Esperantoaren Eguna

Esperantoaren Eguna abenduaren 15ean ospatzen den esperantoaren omenezko nazioarteko eguna da. Egun horretan, esperantoaren sortzaile L. L. Zamenhofen (1859-1917) jaioteguna gogoratzen da; horregatik, batzuetan, Zamenhof Eguna izenaz ere aipatzen da. Egun hau da, zalantzarik gabe, esperantoaren kulturaren barruan gehien ospatzen den festa. Mundu osoko esperantozaleek batzarrak eta hitzaldiak antolatzen dituzte, efemeridea ospatzeko. Era berean, Eguberriaren gertutasuna baliatuz, ohikoa da esperantozaleen arteak opariak trukatzea ohikoa da; bereziki, hizkuntza horretan idatzitako liburuak.

Egunaren jatorria

Egunaren tradizioa XX. mendeko bigarren hamarkadan sortu zen, zenbait intelektual zein esperanto zale, besteak beste, Julio Baghy eta Nikolao Nekrasov, aurkeztutako proposamenaren inguruko ausnarketaren ondorioz. Azkenik, Abenduaren 15 festa ospatzeko egun egokiena bezala onartua izan zen. Festaren helburu nagusia esperantoz idatzitako liburua zen eta, horregatik, Esperanto-librotago bezala ere ezagutzen da ("Esperantoz idatzitako liburuaren eguna"). Gaur egun hizkuntza horretan idatzitako liburuak 30.000 baino gehiago dira.^[1] Mundu osoan bi milioi pertsonek erabiltzen dute esperanto, horietatik 10.000 baino gutxiago dira ama hizkuntza bezala esperanto dutenak. ^[2]

Erreferentziak

Kanpo estekak

2006ko Zamenhof Eguna Albersdorfen, Alemanian egindako ospakizunen bídeoa.
2008ko ospakizuna.

Datuak: Q1024590
Multimedia: Zamenhofa Tago / Q1024590

[1] ttps://web.archive.org/web/20131216043831/http://www.muyinteresante.es/innovacion/sociedad/articulo/el-dia-internacional-del-esperanto

[2] ttp://www.dia-de.com/esperanto/

[1]

[2]