Stadiono
.jpg)
Stadiono (la termino oficialigita per 8OA), arkaike ankaŭ stadio (vorto kiu laŭ 1OA havas alian signifon) estas sportejo kun areno por atletaj aŭ sportaj ekzercoj kaj konkursoj, kaj multŝtupaj vicoj da sidlokoj por rigardantoj.
Laŭ Francisko Azorín stadio estas Luktejo, areno, antikve unu stadio longa, ĉirkaŭita de ŝtuparigita sidejo, kie jam la antikvaj grekoj vete luktis, kuris, saltis, ĵetis diskon, k. ludis. Mezurunuo de la grekoj 184,98 m. la atena; 192,27 m. la olimpa.[1] Li indikas etimologion el la greka stadion (stadio, mezurunuo), kaj de tie la latina stadium. Kaj li aldonas la terminon stadimetro.[2]
Famaj stadionoj
[redakti | redakti fonton]- la antikva Tut-Atena Stadiono, komence el ligno, en 329 antaŭ nia erao gvide de Likurgo el Ateno estis rekonstruita plene el blanka marmoro, kaj ĝi estis vastigita de Herodes Atticus en 140 de nia erao, tiel ke ĝi povis gastigi 50 000 spektantojn. La stadiono estis rekonstruita en 1895 - daŭre el blanka marmoro - por funkcii kiel olimpika stadiono en la Somera Olimpiko 1896, la unua olimpiko en modernaj tempoj, kaj ankaŭ nun gastigas internaciajn sportajn eventojn.
- Stadiono de Francio (Parizo)
- Olimpika Stadiono de Munkeno, kiu ankaŭ elstare prezentiĝas en la esperantlingva Poemo de Utnoa
- Stadiono Ĵurnalisto Mário Filho (kromnome Maracanã) en Rio de Janeiro, Brazilo
- Camp Nou, stadiono de la Futbala Klubo de Barcelono, ankaŭ gastigas grandegajn muzikajn koncertojn
- Olimpika stadiono (ruse Олимпийский Стадион) en Moskvo, centro de la Somera Olimpiko 1980
- Olimpika stadiono de Torino, centro de la Vintra Olimpiko 2006
- Stadiono Rungrado unuamaja en Pjongjango, Nord-Koreio
Bildaro
[redakti | redakti fonton]-
Plej multaj stadionoj estas subĉielaj, kiel ĉi tiu futbala stadiono en Nederlando. -
-
la Koloseo en Romo: antikva stadiono.
Notoj
[redakti | redakti fonton]- ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 188.
- ↑ Azorín, samloke.