Oliver Zeidler
| Oliver Zeidler | |
|---|---|
| |
| Persona informo | |
| Naskiĝo | 24-an de julio 1996 (28-jaraĝa) en Dachau |
| Lingvoj | germana |
| Loĝloko | Schwaig bei Nürnberg |
| Ŝtataneco | Germanio 
|
| Familio | |
| Patro | Heino Zeidler
|
| Frat(in)o | Marie-Sophie Zeidler
|
| Parencoj | Hans-Johann Färber (avo) Judith Zeidler (onklino) Matthias Ungemach (boonklo)
|
| Okupo | |
| Okupo | naĝisto remisto
|
| TTT | |
| Retejo | https://ollizeidler.com/ |
Oliver Zeidler (n. la 24-an de julio 1996 en Dachau, do nun 28-jara) estas germana remisto kaj eksa naĝisto. Li estas la reganta mondĉampiono en vira unupersona remado, kiun li unue gajnis ĉe la Monda Remado-Ĉampionado 2019 kaj defendis en 2022 kaj 2023. Li estas la nuna Mondludoj-ĉampiono en endoma remado en la malferma vira 2000-metra klaso.
En la Somera Olimpiko 2024 en Parizo li gajnis oron en la unupersona konkurso.
Familio
[redakti | redakti fonton]Oliver Zeidler naskiĝis en 1996 en remada familio, kun avo Hans-Johann Färber duoble-olimpika medalisto (oro en 1972 kaj bronzo en 1976, ambaŭ en la kvarpersona unuremila klaso). La avo de Oliver trejnas lian fratinon Marie (naskita en 1999), kiu gajnis medalojn ĉe la Junularaj Mondaj Remado-Ĉampionadoj 2016 kaj 2017. Oliver Zeidler estas trejnita fare de sia patro, Heino Zeidler, iama junulara mondĉampiona remanto kaj altranga reprezentanto de remado por Germanio en la 1990-aj jaroj. La familio loĝas en Erding. Lia onklino, Judith Zeidler, estas olimpika ora kaj bronza medalisto en remado kaj estas edziĝinta al duobla olimpika ĉampiono Matthias Ungemach.
Naĝado
[redakti | redakti fonton]Zeidler mezuras 2,03 metrojn. Li komencis naĝi en la aĝo de sep jaroj. Ĉe la germana jarĉampionado en Berlino en 2015, li gajnis oron en la 100-metra liberstila konkurso por la naskiĝjaro 1996, arĝenton por la sama prezento en la malferma kategorio (jaroj 1994 ĝis 1996), kaj bronzon en la 200-metra liberstila konkurso. Li finis sian konkurencivan naĝantan karieron en februaro 2017.
Remado
[redakti | redakti fonton]Scivolema pri remado, Zeidler unue provis unupersonan remadon en septembro 2016. Malpli ol jaron poste, Zeidler gajnis la 2000-metran malferman viran klason en endoma remado ĉe la Mondludoj 2017 en Vroclavo, Pollando. La antaŭan monaton, Zeidler venis ĝis tria loko ĉe la germana sub-23-jara ĉampionado en unupersona remado.
La unua internacia rema regatto de Oliver Zeidler estis la Monda Remado-Pokalo 2018 en Beogrado. La konkuro estis nur lia kvara vetkuro en remado. En la A-finalo, li surprizis gajnante bronzon en la malferma vira unupersona remado, batita fare de ĉeĥa aktuala mondĉampiono Ondřej Synek kaj la svisa Roman Röösli.
Ĉe la vetkuro unu, la ĉeĥo kaj sviso ne partoprenis kaj Zeidler denove gajnis bronzon, tiutempe batita fare de la novzelandano Robbie Manson kaj la germana ĉampiono Tim Ole Naske. Ĉe la vetkuro du, Zeidler gajnis arĝenton, denove batita fare de Manson. Sed pli grave, la kungermana remisto Tim Naske venis sesa en tiu vetkuro signifante ke Zeidler tiam estis selektita kiel la germana ununura rema reprezentanto por la Monda Remado-Ĉampionado 2018. Li avancis al la A-finalo ĉe la Mondĉampionado 2018 sed finis sume en sesa loko.
2019 estis la eksploda jaro de Zeidler kiel atleto de unupersona remado. Li prenis oron ĉe la Eŭropa Ĉampionado, gajnis oran medalon ĉe la vetkuro unu de la Monda Pokalo en Poznano kaj tiam lokis 13-a ĉe la vetkuro tri de la Monda Pokalo en Roterdamo. Ĉe la Monda Remado-Ĉampionado 2019 en Ottensheim li venkis en ĉiuj tri el siaj preparaj vetkuroj kaj tiam en la A-finalo pribatalis unu el la plej malfacilaj mondklasaj vetkuroj atestitaj. Oliver Zeidler gvidis ĉe la 500 m marko sed vidis sian rivalon Sverri Nielsen kaj la nederlandano Stef Broenink antaŭi lin ĉe la venontaj du markoj kie Zeidler estis kvara kaj tiam tria. Zeidler tre penis kaj fine estis denove pinte de siaj rivaloj en la lastaj malmultaj batoj, en fina sprinto kie la supraj kvin remistoj estis apartigitaj per nur 1-sekunda distanco. En 2023 sekvis pliaj sukcesoj.
En 2024, Zeidler ekigis la olimpikan vetkursezonon kun venko ĉe la Monda Rema Pokalo okazinta en Varese, Italio, la 14-an de aprilo. Fine de aprilo 2024, Zeidler gajnis oron en la Eŭropa Rema Ĉampionado en Szeged, Hungario.
