Kladruby nad Labem

Kladruby nad Labem
municipo
Sesĉevala ĉaro de malnovkladrubaj blankaj ĉevaloj antaŭ kastelo
Flago Blazono
Oficiala nomo: Kladruby nad Labem
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Přelouč
Historia regiono	Bohemio
Riveroj	Elbo, Strašovský potok
Situo	Kladruby nad Labem
- alteco	206 m s. m.
- koordinatoj	50° 03′ 28″ N 15° 29′ 14″ O (mapo)
Areo	23,8 km² (2 380 ha)
Loĝantaro	689 (2024)
Denseco	28,95 loĝ./km²
Tabulo	Orientelba tabulo
Unua skribmencio	1350
Horzono	MET (UTC+1)
- somera tempo	MET (UTC+2)
Poŝtkodo	533 14 ĝis 533 71
NUTS 3	CZ053
NUTS 4	CZ0532
NUTS 5	CZ0532 575178
Katastraj teritorioj	4
Partoj de municipo	4
Bazaj setlejunuoj	4
Situo enkadre de Ĉeĥio Situo enkadre de Ĉeĥio
Vikimedia Komunejo: Kladruby nad Labem
Retpaĝo: www.kladrubynadlabem.cz
Portalo pri Ĉeĥio

Municipo Kladruby nad Labem (Kladruby super Elbo) troviĝas en Ĉeĥio, la regiono Pardubice, distrikto Pardubice, proksimume 6 kilometrojn nordokcidente de urbo Přelouč kaj 22 km okcidente de Pardubice. Vivas ĉi tie 689 loĝantoj (2024). La komunumo estas konata precipe danke al ĉi tiea Nacia Ĉevalbredejo, kie jam de la 16-a jarcento estas bredata tn. "Malnovkladruba ĉevalo".

La najbaraj municipoj de la setlejo estas Žiželice, Klamoš, Chlumec nad Cidlinou, Trnávka, Selmice, Semín, Újezd u Přelouče, Strašov, Řečany nad Labem, Hlavečník kaj Tetov.

Historio

La unua skriba mencio pri la vilaĝo devenas el la jaro 1352, kiam ĝi apartenis al senjora familiaro el Kladruby. Nekonfirmita raporto pri vilaĝo estas jam de fino de la 13-a jarcento. Ĝis la jaro 1500 Kladruby apartenis precipe al nur malgrandaj posedantoj, sed en la jaro 1500 aĉetis ĝin magnato Vilém el Pernštejn, kiu fondis ĉi tie baritan arbaron por bredado kaj ĉasado de ĉasbestoj kaj ankaŭ fondis ĉevalbredejon, en kiu estis bredata andaluzia ĉevalo, la antaŭulo de malnovkladruba ĉevalo. La ĉevalbredejon oni opinias unu el la plej malnovaj en la mondo. En la jaro 1560 Jaroslav el Pernštejn vendis al la reĝa kamero la feŭdobienon Pardubice al kiu apartenis ankaŭ la bieno Kladruby kun kasteleto, barita arbaro kaj ĉevalbredejo. Pri vastigo de ĉi tiea ĉevalbredado meritas precipe imperiestro Rudolfo la 2-a.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	933
1880	983
1890	949
1900	997
1910	1 122
1921	1 105

Jaro	Loĝantoj
1930	999
1950	817
1961	816
1970	764
1980	807
1991	777

Jaro	Loĝantoj
2001	660
2014	646
2016	641
2017	649
2018	650
2019	640

Jaro	Loĝantoj
2020	638
2021	621
2022	606
2023	659
2024	689

Partoj de municipo

Al la komunumo apartenas vilaĝpartoj:

• Kladruby nad Labem
• Bílé Vchýnice
• Kolesa
• Komárov

Memorindaĵoj

Kastelo

Imperiestro Maksimiliano la 2-a konstruigis en Kladruby kastelon, kiu servis precipe por loĝigado de gastoj. En la jaro 1722 la kastelo estis alikonstruita baroke sub gvido de la arĥitekto František Maxmilián Kaňka kun ĉeesto de Kilian Ignaz Dientzenhofer kaj Löffer. Alikonstruita kaj renovigita ĝi estis ankoraŭ en la jaro 1771 sub ordono de imperiestro Jozefo la 2-a kaj rearanĝita en la 19-a jarcento. La kastelo estas duala, duetaĝa, aranĝita en formo de la litero "L". Al la imperiestra kaj reĝa kortego la ĉevalbredejo apartenis ĝis la jaro 1918.

Preĝejo

Preĝejo de Sankta Venceslao kaj Leopoldo estas alkonstruita al la ĉefa alo de la kastelo, kun kiu ĝi kreas ununuran komplekson. La nuntempa preĝejo estis post brulego en la jaro 1757 rekonstruita fare de imperiestro Francisko Josefo la 1-a. Ĝi estas pseŭdorenesanca, ununava kun kvadrata pastrejo, kun sakristio kaj oratorio en suda flanko. En fronton de korusejo estas enmetitaj tre valoraj bildoj, donaco de la imperiestro Francisko Josefo la 1-a. Ekipaĵo de la preĝejo estas el la 19-a jarcento. Bildoj de Sankta Elizabeta kaj Sankta Francisko Serafina sur flankaj altaroj kreis M. Reiter en la jaro 1859.

Triba ĉevalgrego

Triba ĉevalgrego de malnovkladrubaj blankaj ĉevaloj estas nacia kultura memoraĵo. Tiuj estas ĉi tie bredataj jam pli ol 400 jaroj kaj apartenas inter la plej maljunaj ĉevalgentoj en la mondo. Ĝi estas homeoterma gento devenanta el malnovhispanaj kaj malnovitalaj ĉevaloj. Temas pri forta kaleŝa ĉevalo destinita por ceremonia kaj reprezenta servado. La ĉevaloj estas bredataj en historiaj ĉevalstaloj.

Kastelo, ĉevalbredejo kaj preĝejo de Sankta Venceslao kaj Leopoldo

Tombeja kapelo de Sankta Kruco

Tombeja preĝejo de la Sankta Kruco

estas baroka el la fino de la 18-a jarcento. Negranda ununava konstruaĵo kun trilatera altarejo kaj poligona sakristio en la akso. La fronto kun lisenoj estas kronita per trilatera ŝildo kun niĉo kaj ŝtona statueto de sanktulo. La navo kaj pastrejo estas volbitaj. Statuo de Sankta Johano Nepomuka estas el duono de la 18-a jarcento. Ligna rokoka baptujo troviĝas en sakristio.

Malnovkladrubaj blankaj ĉevaloj - ĉevalinoj

Statuoj

• statuaro de Anĝelo Gardanto apud la ŝoseo al Kolesa estas el la jaro 1720, sur tiun ĉi lokon ĝi estis transigita en 1906,
• Sankta Floriano antaŭ la kastelo estas datita 1728,
• Pieto en la vilaĝo apud ŝoseo al Semín estas datita 1729,
• Sankta Johano Nepomuka post la vilaĝo direkte al Řečany nad Labem estas el dua duono de la 18-a jarcento.

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Bildoj, sonoj kaj videoj pri temo Kladruby nad Labem en Vikimedia Komunejo
• Oficialaj paĝoj de ĉevalbredejo ĉeĥe