Flensburg

Ĝemelurboj
	Neubrandenburg • Słupsk • Carlisle vd

	Flensburg
Flensburg (Germanio)
urba komunumo de Germanio • urban district in Schleswig-Holstein
Ĝemelurboj
	Neubrandenburg • Słupsk • Carlisle vd
Administrado
Federacia lando	Ŝlesvigo-Holstinio
Distrikto	eksterdistrikta urbo
Urborajtoj	Urbo (Stadt)
Telefona antaŭkodo	0461
Poŝtkodo	24901–24944
Aŭtomobila kodo	FL
Oficiala Municipokodo	01001000
NUTS	DEF01
Subdivido	16 urbopartoj (Stadtteile) kun 52 statistikaj regionoj
Politiko
Komunumestro	Simon Faber
Titolo de komunumestro	Oberbürgermeister
Partio de komunumestro	SSW
Adreso de la administrejo	Rathausplatz 1; 24937 Flensburg
Demografio
Loĝantaro	92550 (stato 2022-12-31) [fonto: landa statistika oficejo]
Geografio
Geografia situo	54° 47′ N, 9° 26′ O (mapo)54.7819444444449.4366666666667Koordinatoj: 54° 47′ N, 9° 26′ O (mapo)
Alto super la marnivelo	12 m
Areo	56,38 km²
Oficiala retejo	https://www.flensburg.de/
	v • d • r

Flensburg (Dana: Flensborg) estas eksterdistrikta urbo en Germanio. Ĝi apartenas al la federacia lando Ŝlesvigo-Holstinio. La 1-an de aprilo 2006 la komunumo havis 87065 loĝantojn.

Industrio kaj institucioj

En la urbo produktatas alkoholaĵoj, paperaĵoj kaj nutraĵoj. Krome gravas la konstruado de ŝipoj kaj maŝinoj. Flensburg estas la sidejo de la germana Federacia oficejo de veturado ( Deutsches Kraftfahrt-Bundesamt) - kie ankaŭ centre kolektatas kaj distribuatas la punpoentoj por ĉiuj germanaj aŭtistoj ofendintaj la regularon pri strata trafiko - kaj de Pedagogia altlernejo. Krome ekzistas fakaltlernejoj por marmaŝinistoj kaj maristoj.

Vidindaĵoj

Al la plej imponaj vidindaĵoj nombriĝas la gotikstila Preĝejo Sankta Mario (komenco de la konstruoj en 1284) el brikoj kun altaro el la malfrua renesanco kaj fenestroj riĉaj je figuroj. En la gotikstila Preĝejo Sankta Nikolao (14./15. jc.) troviĝas la plej granda renesanca orgeno de Norda Germanujo. El la malnova ĉirkaŭfortikaĵo konserviĝis ankoraŭ restoj, ekz. la dika Norder-pordego (1595). En la ŝipmuzeo oni povas admiri navigaciilojn kaj ŝipmodelojn.

Historio

Flensburg estis fondita en la 12-a jc kaj ricevis la urbajn rajtojn en 1284. En la kuro de historio la urbo fariĝis celo de pluraj danaj kaj svedaj invadoj kaj konkeroj. Aparteninte ĝis la 1435-a jaro al Holstinio, ĝi submetiĝis en 1460 rekte al Kopenhago. En 1848 ĝi fariĝis ĉefurbo de la dane administrata Slesvigio. En 1867 la urbo ekapartenis al Prusio. En referendumo post la Unua mondmilito la loĝantaro voĉdonis favore al plua aparteno al Germanujo. Dum la Dua mondmilito la urbo estis grava mararmea centro kaj sekve ĝi ofte estis bombadita fare de la Aliancanoj.