Claude Lévi-Strauss

Claude Lévi-Strauss
Persona informo
Claude Lévi-Strauss
Naskiĝo	28-an de novembro 1908 (1908-11-28) en Bruselo
Morto	30-an de oktobro 2009 (2009-10-30) (100-jaraĝa) en 16-a arondismento de Parizo
Mortis pro	Naturaj kialoj vd
Mortis per	Korinfarkto vd
Tombo	Lignerolles vd
Religio	judismo vd
Etno	judoj vd
Lingvoj	franca vd
Ŝtataneco	Francio Belgio vd
Alma mater	Pariza Fakultato de Juro vd
Partio	Franca Sekcio de la Laborista Internacio vd
Subskribo
Familio
Patro	Raymond Lévi-Strauss vd
Patrino	Emma Lévi-Strauss (en) vd
Edz(in)o	Monique Roman (en) (1954–) Rose Marie Ullmo (en) (1946–1954) Dina Dreyfus (mul) (1932–1945) vd
Parencoj	Issac Strauss (en) (praavo) Aline Caro-Delvaille (en) (patrina onklino) vd
Profesio
Okupo	filozofo sociologo profesoro psikologo mitologo etnologo verkisto fotisto pedagogo politikisto antropologo scienca esploristo vd
Laborkampo	Kultura antropologio kaj strukturismo vd
Postenoj Postenoj seĝo 29 de la Franca Akademio (1973–2009) vd
Honorigoj Honorigoj (2007)  Ordem do Mérito Cultural (en) (2005)  Internacia Premio de Katalunio (2003)  Meister Eckhart Prize (en) (1996)  Aby Warburg Prize (en) (1993)  grand prix de la Société de géographie (fr) (1986)  International Nonino Prize (en) (7-a de januaro 1981)  Komandoro de la Artoj kaj la Leteroj (1979)  honorary doctorate at the Laval University (en) (1977)  honora doktoro de la Universitato de Upsalo (1973)  Erasmo premio (1967)  Ora medalo de CNRS (1965)  Huxley Memorial Medal (en)  honorary doctorate from the Université de Montréal (en)  Komandoro de la Nacia Ordeno de Merito  Fellow of the British Academy (en)  Great Cross of the National Order of Scientific Merit (en)  honora doktoro de la Universitato de Oksfordo  Komandoro de la Ordeno de la Krono  Commander of the Order of the Southern Cross (en)  honora doktoro de Universitato Harvard  Komandoro de la Ordeno de Palmoj Akademiaj  honora doktoro de Universitato Kolumbio  Granda Kruco de la Honora Legio vd
Membrecoj Membrecoj Franca Akademio (1973–) Usona Nacia Akademio de Sciencoj (Foreign Associate of the National Academy of Sciences (en) ) (1967–) Brita Akademio Usona Akademio de Artoj kaj Sciencoj Reĝa Nederlanda Akademio de Artoj kaj Sciencoj Norwegian Academy of Science and Letters (en) Amerika Filozofia Societo vd
vd	Fonto: Vikidatumoj

Claude LÉVI-STRAUSS (naskiĝinte je la 28-a de novembro 1908 en Bruselo, mortinta la 30-an de oktobro 2009 en Parizo) estis franca antropologo, etnologo kaj filozofo. Honora Profesoro en Collège de France, ano de la Franca Akademio li famiĝis kiel unu el la fondintoj de strukturismo.

Lia vivo

Junaĝo

Claude Lévi-Strauss, devenas el juda alzaca familio , estis naskita en Bruselo de francaj gepatroj. Lia patro estis pentristo-portretisto kiun ruinigis disvolviĝo de la fotografio. Lia avo estis rabeno de la Sinagogo de Versajlo (france: Synagogue de Versailles).

Lévi-Strauss studis unue en la gimnazioj Janson de Sailly kaj Condorcet en Parizo, poste juron kaj filozofion ĉe la universitato Sorbono en Parizo (tria agregacio pri filozofio en 1931, doktoriĝo pri literaturo en 1948). Belga kolego Arthur Wauters, kiu estis fariĝonta sukcesa politikisto, legigis al li la verkojn de Marx, Engels kaj aliaj marksistoj. Lévi-Strauss konvinkiĝis ke necesas politike batali laŭ radikala socialista vidpunkto. Li mallonge engaĝiĝis ĉe SFIO. Li estis kandidato por departementaj balotoj. Veturante al mitingo li, malsperta ŝoforo, faligis la aŭton ekster la ŝoseon, maltrafis la mitingon kaj definitive rezignis pri politika kariero.

Komenco de profesia vivo

Post dujara instruado de filozofio en gimnazioj Victor-Duruy en Mont-de-Marsan kaj Laon li fariĝis en la jaro 1935 profesoro ĉe la Universitato de San-Paŭlo, ano de la universitata misio. Inter 1935 ĝis 1939 li partoprenis plurajn etnografiajn ekspediciojn en la regionoj Mato Grosso kaj de Amazono.

En 1938, li trairis la ŝtaton Mato Grosso. Li ekveturis de Cuiabá, malnova pionira urbo de orserĉantoj, per auto Ford 34. El Diamantino li sekvis veturante per bovoĉaroj telegrafan linion kiu trapasas tra cerado (densa veprejo). Li renkontiĝis kun Nambikvaroj (portugale: Nambiquaras) pri kiuj li reportis riĉan dokumentadon kaj 200 fotojn, poste kun etnoj Mundé kaj Tupi Kawahib en la ŝtato Rondonio.

Mallonge antaŭ la 2-a Mondmilito li revenis al Francio. Inter 1939 kaj 1940 li libervole militservis sur la Maginot-linio kiel ligagento. Li poste estis nomita en la gimnazio en Montpellier post sia forpelo pro la rasistaj leĝoj. Li engaĝiĝis en la Rezistoorganizaĵo Forces françaises de l'intérieur (france: Forces françaises de l'intérieur) kaj estas sendita al la scienca misio en Usono. En 1941 li ekinstruis ĉe la Lernejo por Socia Esplorado en Novjorko. Tie li konatiĝis kun Roman Jakobson, kiu multe influis lin per la lingvistika strukturismo kiun li pensis apliki al etnologio. Kune kun Henri Focillon (france: Henri Focillon), Jacques Maritain (france: Jacques Maritain), Jean Perrin kaj aliaj li fondis la francan ekziluniversitaton École libre des hautes études de New York, kies ĝenerala sekretario li estis.

Scienca kulmino

Frontono de la Collège de France

En 1944 li estis revokita de la Franca Ministerio por Eksteraj Rilatoj al Francio kaj en la jaro 1945 denove sendita al Novjorko kiel kultura konsilanto de la franca ambasadejo. En 1948 li demisiis de sia ofico por povi dediĉi sian tempon denove al siaj esplorlaboroj.

En 1949 li fariĝis direktoro de la Musée de l'Homme (france: Musée de l'Homme)' en Parizo. En la sama jaro li publikigis sian tezon Les Structures élémentaires de la parenté (france: Les Structures élémentaires de la parenté)'. Li poste fariĝis direktoro de la École pratique des hautes études, kie li respondecis samtempe por la katedro kaj la studprogramo pri komparaj religisciencoj de senskribaj popoloj. De 1959 ĝis sia emeritiĝo en la jaro 1982 li estis profesoro pri socialantropologio ĉe la renoma Collège de France.

Li fondis en 1961 kun Émile Benveniste kaj Pierre Gourou (france: Pierre Gourou) la revuon L'Homme (franca antropologia revuo) (france: L'Homme (revue française d'anthropologie))' malfermita al la diversaj etnologiaj kaj antropologiaj skoloj, kaj penas favorigi interdisciplinan aliron.

En 1973 li estis elektita membro de la Franca Akademio kies unua centjarulo li estas.

citaĵo

Kiam 98-jara li esprimis sian pesisismon:

“

Tio kion mi konstatas, estas la detruegoj nuntempaj, estas la timiga malapero de la vivantaj specioj, ĉu vegetaj ĉu animalaj. Per sia denseco mem la homa specio vivas sub reĝimo de ena venenigado. Kaj mi pensas pri la nuntempo, la mondo en kiu mi estas finanta mian vivon, tio estas mondo kian mi ne amas.

”

Listo de verkoj

1. Les Structures élémentaires de la parenté 1949 (la bazaj strukturoj de parenceco)
2. Race et Histoire (1952)
3. Tristes tropiques 1955 (tristaj tropikoj)
4. Anthropologie structurale (1958)
5. Le Totémisme aujourd'hui (1962)
6. La Pensée sauvage (1962)
7. Mythologiques I–IV (1964-1971) kies unua ero estas Le Cru et le cuit (1964)

Eksteraj ligiloj

• Por vidi kaj aŭdi lin en 1988 Arkivigite je 2007-05-14 per la retarkivo Wayback Machine
• Eble la lasta intervjuo de la tiam 97-jara sciencisto
• Linguistic and Commodity Exchanges Arkivigite je 2007-06-14 per la retarkivo Wayback Machine by Elmer G. Wiens. Ekzamenas la strukturan diferencon inter var- kaj mon- interŝanĝoj kaj parola kaj skriba lingvistikaj interŝanĝoj. angle