Dî
|
C'l artìcol chè 'l è scrit in
Carpśàn |
.jpg)
I dî egl'ìn el terminasiòun del màṅ e di pē in di òm, e in dal śàmpi p'r al bésti.
I gh'àn l'ùngia in sìm'a l'ùltma falàṅśa. In dla màṅ a gh'è al dî grôs (o "schìsa i piōć"), al "fèrga 'l ôć", la "matalónga"[1] o dî 'd mêś, al spuśalèin o dî dl anêl, e 'l mignulèin, malvèin o dî cìc.
Vóś lighèdi
Manéri 'd dir
- (CARPŚ) Lighèr-'s-la a 'l dî, (IT) Legarsela al dito, a dìr che un brùt e-śghèr'b patî al ne gnarà mìa śminghê tant facilmèint.
- (CARPŚ) Cuntèr di quêl in sìm'ai dî ('d na màṅ), (IT) Contare qualcosa sulle dita (di una mano), quand 'd di quêl, a gh'n è pôc ed nùmer.
- (EGL) Un dî da per lò al n'ciàpa 'l pulghi, (IT) Un dito da solo non prende le pulci.
- (CARPŚ) Tirèr-'s i dî,[2] (IT) Oziare.
- (EGL) Sgnèr col dî,[3] (IT) Additare.
- (EGL) Avér-'gh i dî arìs,[4] (IT) Avere le dita con l'artrite.
Tiritéri in sìm'a i dî (p'r i putèin)
Al Dî grôs 'l è andê śò in dal pôs
Al Dî ch'a sègna al 'l à tolt sù
Al Dî 'd mêś al 'l à sughê
'L Anulêr al gh'fà la sùpa
Al Mìgnol al la màgna tùta..[5]
Al Dî grôs al dîś: "A n'gh'è pân"
Al Dî ch'a sègna al dîś: "C'ma faròm-j-a?"
Al Dî 'd mêś al dîś: "A 'l cumpraròm"
'L Anulêr al dîś: "A gh'n è 'n pcunsèin"
Al Mìgnol al dîś: "Dê-'l a mè ch'a sun al più cichèin".[6]
Èter progêt
Wikiquote contiene citazioni di o su Dî
Wikimedia Commons contiene file multimediali su Dî
Wikizionario contiene la voce di dizionario «Dî»
Colegamèint estèren
- (IT) La vōś in sìm'a 'l vucabulàri Treccani.
- (IT) D'indû a deśvìn al só nòm in sìm'a etimo.it.
Referèinsi
- ↑ (IT) e (MUD) "A piov a piov - La gata la fa l'ov", Ed. Il Fiorino, Mòdna, 2013, pâǵ 44.
- ↑ (CARPŚ) e (IT) Dizionario del dialetto carpigiano dal G. Malagoli e dl'A. M. Ori, Mòdna, 2011.
- ↑ Ibidem.
- ↑ Ibidem.
- ↑ (IT) e (MUD) "A piov a piov - La gata la fa l'ov", Ed. Il Fiorino, Mòdna, 2013
- ↑ (IT) e (EGL) Ibidem