Apocalyptica
|
C'l artìcul chè 'l è scrit in
Miranduléś |
Gl′Apocalyptica i èṅ un grup muśicàl finlandéś ch'al sòna al metàl sinfònic, na muśica cun al repertòri heavy metal fat druànd di viulunsèl.
La furmasiòṅ 'd adès l'è fata da tri muśicìsta, Eicca Toppinen, Paavo Lötjönen e Perttu Kivilaakso, tut laureâ a l'Accademia Sibelius 'd Helsinki. In dal pasâ i aṅ sunâ p'r al grup anc Antero Manninen e Max Lilja.
Biugrafìa
Al grup al s fórma a Helsinki in di an Nuànta e al taca faghénd dal cover di Metallica (al disc dal debùt dal 1996 Plays Metallica by four cellos, ch'al vōl dir A suném i Metallica cun quàtar viulunsèl, al gh'à dèntar sōl òt braṅ dal grup ad San Francisco) e di Sepoltura cun di strumènt a còrdi dla mùśica clàsica. Cun al secónd àlbum Inquisition symphony dal 1998, i Finlandéś i tàcan a rigistràr dal cansòṅ fati da lōr ma sèmpar cun al sound metal di inìsi. Ad tant in tant i sònan però anc di braṅ ad mùśica clàsica cuma Hall of the mountain king 'd Edvard Grieg misa dèntar in d'l àlbum Cult dal 2000.
I viulunsèl di Apocalyptica i èṅ cumpagnâ da na baterìa durànt i cuncèrt e in dal registrasiòṅ. I aṅ culaburâ pò sèg i baterìsta Mikko Sirén di Megaphone (dal viṿ e in dal disc Apocalyptica) e Dave Lombardo di Slayer (òspit in Apocalyptica e Reflections).
In dal film ad Neil LaBute Amici & vicini (Amìg & vśèṅ) dal 1998 i èṅ stâ druàdi soquànti parti ad Plays Metallica by four cellos cuma culóna sunóra.
In Itâglia in dal 2005 gl′Apocalyptica i aṅ vèrt al cuncèrt di tedésc Rammstein, banda che lì lōr, insém a la Nina Hagen, i ìvan rēś umàǵ sunànd a la granda la sò Seemann in dal disc Reflections revised dal 2003.
Discugrafìa
Àlbum
- 1996 – Plays Metallica by four cellos
- 1998 – Inquisition symphony
- 2000 – Cult
- 2002 – Best of Apocalyptica (sōl p'r al marcâ giapunéś)
- 2003 – Reflections
- 2005 – Apocalyptica
- 2006 – Amplified – A Decade of Reinventing The Cello
- 2007 – Worlds Collide
- 2010 – 7th Symphony
- 2015 – Shadowmaker
- 2020 – Cell-0
- 2024 – Plays Metallica Vol. 2
Sìngui
- 1996 – Apocalyptica
- 1998 – Harmageddon
- 2001 – Path Vol. 2
- 2002 – Hope Vol. 2
- 2003 – Faraway Vol. 2
- 2003 – Seemann
- 2004 – Bittersweet
- 2005 – Wie Weit
- 2005 – Life Burns!
- 2006 – Repressed
- 2007 – I'm Not Jesus
- 2007 – SOS
- 2010 - 7th Symphony
Videugrafìa
- 2001 – Live (in Munich)
- 2003 – Reflections (bonus d'l àlbum Reflections Revised)
- 2006 – The life burns tour
Artìsta tributâ
- Metallica
- Edvard Grieg
- Pantera
- Rammstein
- Sepultura
- Slayer
- Faith No More
- Led Zeppelin
- Iron Maiden
- System Of A Down
- KoЯn
Culaburasiòṅ
- Dave Lombardo di Slayer (Reflections e Apocalyptica)
- Emmanuelle Monet di Dolly (En Vie)
- Lauri Ylönen di The Rasmus (Life Burns! e Bittersweet)
- Ville Valo di H.I.M. (Bittersweet)
- Linda Sundblad di Lambretta (Faraway Vol. 2)
- Marta Jandová di Die Happy (Wie Weit/How Far)
- Matthew Tuck di Bullet for my Valentine (Repressed)
- Matthias Sayer di Farmer Boys (Hope Vol. 2)
- Max Cavalera di Sepultura (Repressed)
- Nina Hagen (Seemann)
- Sandra Nasic di Guano Apes (Path Vol. 2)
- Tomoyasu Hotei (Grace)
- Corey Taylor di Slipknot (I'm Not Jesus)
- Cristina Scabbia di Lacuna Coil (SOS)
- Till Lindemann di Rammstein (Helden)
- Adam Gontier di Three Days Grace (I Don't Care)
- Gavin Rossdale di Bush (End of Me)
- Brent Smith di Shinedown (Not Strong Enough)