Lasêr (mit)
Lasêr (Laşêr, sêl ya zi zıwanê Erebki ra tufan) yew şanıka ke fek ra fek merdıman a vata, namey cıyo. Vatışan ra gore Homay merdıman rê afet erşaweno (rışeno, rusneno), lasêr beno, vartış yeno, xeylê vareno u merdıman gêno, beno, mıreno.
Çiyê zey lasêri biyo ya zi nêbiyo, belli niyo. Şanıkanê zaf mıxtelif mıletan dı namey lasêri esto u vêreno. Hema şınasiye (ilım) ra gore eger lasêr raşt biyo, zey vatışê dinan nêbiyo. Her din xo ra gore riwayet u şanıkê lasêri vıraştê u ano merdıman ver. Coka zi qebul nêbeno, zey mit u çiyê do mitolocik vêniyeno.
Şanıkanê lasêri miyan dı, Lasêrê Nuhi; (Nuh dinanê İbrahimi dı yew peyğambero) namdaro. Gorey ê dinan, be namey Nuhi yew merdım est biyo, Homay eno merdım kerdo peyğamber u dıma zi şarê Nuhi rê afet erşawıto u kerdo xırab.