Incunabulu
Incù u termine incunabulu si tratta di solitu d'un ducumentu stampatu incù a tecnulugia di i caratteri mobili è rializatu trà a mità di u seculu XV è l'annu 1500 inclusu. U termine deriveghja da a latinu incunabulum (plurale incunabula), chì significheghja "in u viculu" o "in a culla".
In u seculu dopu l'opere à stampa sò dette cinquecentine, ancu s'è, sicondu parechji studii, soprattuttu d'origine anglusassone, a definizione d'incunabulu pò esse stesa ancu à certe edizione realizate in i primi vinti anni di u Cinquicentu, chì finu à quella limita cronulogica i libri prisentanu caratteristiche cumune incù quelle stampate in u seculu XV.
In generale l'incunabuli ùn prisentanu micca un frontispiziu, ma solu un'indicazione, à spessu apprussimativa, chì riporta u nome di l'autore di l'opera è un titulu in l'incipit. E note tipugrafiche, vene à dì l'indicazione annantu à e rispunsabilità di u stampadore, quand'elle sò prisente, sò ripurtate in u colophon. Quessa perchè i primi libri realizati incù i caratteri mobili tindianu à imità l'aspettu di i libri manuscritti, induve spessu, viste e so mudalità di pruduzzione, 'ss'indicazione eranu inutule.
L'incunabuli sò dunque i primi libri muderni, vene à dì realizati in serie incù mudalità protu-industriale, ma circa 10.000 di i 40.000 testi cunnisciuti sò custituiti da foglie sciolte, chì a nova tecnulugia permittia di rializà ancu bande, lettere d'indulgenza, è cetera.
In u mondu ci sò circa 450.000 incunabuli (di molti testi esistenu difatti parechje copie). Sò cunsiderati prudutti assai priziosi è cunsirvati in musei è bibbiuteche specializate.
L'incunabulu più anticu hè a Bibbia di Gutenberg, in latinu, cusì chjamata perchè stampata da Johann Gutenberg trà u 1452 è u 1455.
Galleria
[mudificà | edità a fonte]-
![Distribuzione geugrafica di e cità sedii di tipugrafie in u XV seculu[1]](//upload.wikimedia.org/wikipedia/commons/thumb/5/59/Printing_towns_incunabula.svg/111px-Printing_towns_incunabula.svg.png)
Distribuzione geugrafica di e cità sedii di tipugrafie in u XV seculu[1] -
![Distribuzione percentuale di l'incunabuli di u seculu XV per lingua[1]](//upload.wikimedia.org/wikipedia/commons/thumb/0/0c/Incunabula_distribution_by_language.png/120px-Incunabula_distribution_by_language.png)
Distribuzione percentuale di l'incunabuli di u seculu XV per lingua[1] -
![Distribuzione percentuale di l'incunabuli di u seculu XV per rigione[1]](//upload.wikimedia.org/wikipedia/commons/thumb/8/89/Incunabula_distribution_by_region.png/120px-Incunabula_distribution_by_region.png)
Distribuzione percentuale di l'incunabuli di u seculu XV per rigione[1]
![Distribuzione geugrafica di e cità sedii di tipugrafie in u XV seculu[1]](?x=http://co.wikipedia.org/wiki/File:Printing_towns_incunabula.svg)
![Distribuzione percentuale di l'incunabuli di u seculu XV per lingua[1]](?x=http://co.wikipedia.org/wiki/File:Incunabula_distribution_by_language.png)
![Distribuzione percentuale di l'incunabuli di u seculu XV per rigione[1]](?x=http://co.wikipedia.org/wiki/File:Incunabula_distribution_by_region.png)
Note
[mudificà | edità a fonte]- ↑ 1,0 1,1 1,2 Incunabula Short Title Catalogue Archiviu 2021-11-18 at the Wayback Machine, 02.03.2011
Bibliugrafia
[mudificà | edità a fonte]- Piero Scapecchi, Incunabulu: itinerariu raghjunatuo d'orientamentu bibliugraficu, Roma, 2004 ISBN 8878121134
- Alfredo Stussi, Breve avviamentu à a filulugia taliana, Bologna, 2002 ISBN 8815087885
- Antonella Grassi, Giuliano Laurentini, Incunabuli è cinquecentine di e bibbiuteche di i Cappuccini di Tuscana, 2003, ISBN 88-8304-642-0
- Lodovica Braida, Stampa è cultura in Europa, Bari, Laterza, 2000. ISBN 8842060313
Da vede dinù
[mudificà | edità a fonte]Ligami esterni
[mudificà | edità a fonte]- (EN) Situ Incunabula Short Title Catalogue - Catalogu internaziunale in linia di l'incunabuli Archiviu 2011-03-12 at the Wayback Machine
Fonte
[mudificà | edità a fonte]'Ss'articulu pruvene in parte o in tutalità da l'articulu currispundente di a wikipedia in talianu.