Chronicon Scotorum<h4>Corpus of Electronic Texts Edition</h4>
<h1>Chronicon Scotorum</h1>
<h2>Author: [unknown]</h2>
<hr>
<h2>Incipit Cronicum Scotorum .i. tinnsgantur Croinic na Scot andso.</h2>Tuig, a lécchtóir, fa adhbar áiridhe, et go follus do secna eimealtais, gurab edh as áil
linn tagha et tráctad athcumair do denum ar airisin na <b>Scot</b> amain san coipse, ag fagbháil listacda na
leapur airisin amuigh, conidh aire sin iarrammaid oirbsi gan ar n-increachadh trid uair d'fedamamar gurab adhbal an t-easnamh he.
<p>Prima Mundi aetas continet annos iuxta <b>Ebreos</b> M.dclui. iuxta uero .lxx.
interpretes .ii. millia, ccxlii, quae tota periit in diluuio sicut infantiam mergere solet obliuio; x.
generationes. Ag so mar ader an <b>Gaoideal</b> nuimir na haosa so;
<blockquote><ol>
rann<ol>
<li value="1">It se bliadna .l.
<br>Se ced, cruth do rimhim,
<br>Míle mor an airmim
<br>Ó <b>Adham</b> go dilinn.</li></ol>
</ol></blockquote></p>
<p>Kl u. f. l. x. im.lxcix. anno mundi. <i>A.M. 1599</i> In hoc anno uenit félia alicuius de
<b>Grecis</b> ad <b>Hiberniam</b>
cui nomen erat <b>Heru</b> no <b>Berba</b> no <b>Cesair</b> et .l. filiae et
iii uiri cum ea. <b>Ladhra</b> gubernator eorum fuit qui primus in
<b>Hibernia</b> tumulatus est. Hoc non narrant antiquari
<b>Scotorum</b>.</p>
<p>Secunda aetas mundi incipit quae continet annos .ccxcii. iuxta uero <b>Ebreos</b> ut poeta
ait:—
<blockquote><ol>
rann<ol>
<li value="1">O dilinn go h-<b>Abram</b>
<br>Hi genair iar sedaib
<br>Da bliadain bailc toacht
<br>Noact ar dib cedoib;</li></ol>
</ol></blockquote>
Iuxta uero interpretes .dccccxl..</p>
<p>Kl.
Anno mundi im dccclix. <i>A.M.1859</i> Dec mbliadna iar
sin co disgaoiledh an tuir. ix. mbliadna iar sin
go <b>Fenius</b>. Hoc anno
<b>Feneos</b> compossuit
berla na n-<b>Gaoidel</b> a lxx.ii.
linguis & post dedit <b>Gaoideal</b> filio
<b>Agnomin</b>, .i. .x.
anno post distructionem turris <b>Nemroth</b>.</p>
<p>Tertia aetas incipit quae continet
annos
dccccxlii. et incipit a natiuitate
<b>Abram</b> ut dixit poeta:
<blockquote><ol>
rann<ol>
<li value="1">O{n} gen sin gan ghábadh
<br>Go <b>Dauid</b> i<i>n</i>
flaith fedil
<br>Cethracha do bliadhnaib,
<br>Naoi ced gan indemin.</li></ol>
</ol></blockquote></p>
<p>Anno .lx. aetatis
<b>Abrahami</b> <b>Parrtalon</b> in <b>Hiberniam</b>
uenit. As e an <b>Parrtalon</b> so cedrogab
<b>Erinn</b> iar ndilinn a Cetsomain .xiiii. for Mairt octtur a lin .i. cethrar fer et cetrur ban. Ro forbrissit iarum
go rapattur .l. ar cetre mile fer & mile ban.</p>
<p>Cethre maige a n-<b>Erinn</b> ro reididhtea le <b>Parrtalón</b> .i. <b>Mag Tuired</b> {no
n-<b>Edara</b>} la <b>Connachtaibh</b> et <b>Mag
Sere</b> la
<b>Connachtaibh</b> & <b>Mag nIta</b> la <b>Laignibh</b> &
<b>Magh Latrainn</b> la <b>Dal Araidhe</b> & <b>Lecmagh</b> la
<b>H. Mc
Uais</b> eter <b>Bir</b> et
<b>Camus</b>.</p>
<p>Sect mbliadna iar ngabail <b>Erenn</b> do
<b>Parrtalon</b> co ndearbailt an ced fer da muintir .i. <b>Fea</b>
a ainm; as ann ro hadhnacht a <b>Muigh Fea</b> conidh uaidh ro
hainmniccedh.</p>
<p>Sect lochmadmanna fo
thír a fflaithius <b>Parrthalóin</b> .i. <b>Loc Mescu</b> et <b>Loch Decet</b>, <b>Loch Laiglinne</b>, <b>Loch
Rudraidhe</b>, <b>Loch Ectra</b> & <b>Murtola Brena</b>.</p>
<p>Tri bliadna iar
cedna cath ro bris <b>Parrtalon</b> for
<b>Fomorchaibh</b> .i. demna iar ffír a ndealbaibh daoinedh a
slemnaibh <b>Maige Itha</b> .i. fir co n-áonlamaibh et go áoncosaibh.</p>
<p>An bliadain do tanastur adbath <b>Slanga</b>
an cetramhadh airech <b>Erenn</b> goro
adhnacht la
<b>Parrtalón</b> a <b>Sleb Slanga</b>
conidh uaidh ainmnighter an sliabh.</p>
<p>An bliadain iar n-ég <b>Slanga</b>
tomaidm <b>Locha Laighlinne</b> et mors eius unde p<i>ri</i>us nominatur. As
eiside an cetramadh aire <b>Erenn</b>. Og
claidhe a ferta ro meabaidh an loch
et tomaidm <b>Locha Ectra</b> etir <b>Sliab Modurn</b>
& <b>Sliabh Fúaid</b>. Fiche bliadna
iarum tomaidm <b>Locha
Rudraighe</b> la h<b>Ulltaibh</b>.</p>
<p>Isin bliadain cedna <b>Murtola mBréna</b> tar tir
conid é an sectmad loch; ar ní tairnic
<b>Parrtalón</b> a n-<b>Erinn</b> ar a
cenn acht tri locha et .x. n-aibne .i. <b>Loc Luimnigh</b> &
<b>Loch Fordremuin</b> og <b>Sliabh Mis</b> la <b>Mumain</b> &
<b>Finnloc Irrais</b> <b>H. Ffiacrach</b>. Ite imorro na .x. n-aibne.i. <b>Buas</b> eidir <b>Dál
nAraidhe</b> et <b>Dal Ríada</b> &
<b>Ruirtech</b> abh <b>Liffe</b> et <b>Berba
Laigen</b> et <b>Laoi</b> le
<b>Mumain</b> & <b>Samaoir</b> eter <b>H. Ffiacrach</b>,
<b>Modurn</b> eder <b>Cinel Conaill</b> & <b>Cinel
nEogain</b> & <b>Finn</b> et<b>Banna</b> a
n-<b>Ulltaibh</b>, <b>Muaidh</b> & <b>Sliccech</b> la
<b>Connachtoib</b>.</p>
<p>Cethra bliadhna iar
ttomaidm <b>Brena</b> bas <b>Parrtalóin</b>. A <b>senMaigh Ealta</b>
ro hadhnocht. As aire imorro asperar
<b>senMagh</b> desiom ar nír genur fiodh ann riam. Da bliadain ar .ccccc. no .cccc. ut
<b>Eochaidh</b> cecinit ro
baoi muinter <b>Parrtaloin</b> a
n-<b>Erinn</b>. Cedna duinibadh
tánig a
n-<b>Erinn</b> iar ndilinn .i. tamh muintire
<b>Parrthalóin</b>; dosforbairt
dia Luain i Kl. Mai & forcennsat gusan Domnach dodánustur. As don
duinibádh sin muintire <b>Parrtalóin</b> adberur tamlecda fer n-<b>Erenn</b>.</p>
<p><i>.xxx.</i>
bliadan iar b-<b>Parrtalón</b>
d'<b>Erinn</b> ag fás go ttanig <b>Nimhedh mac Adhnomain</b> .uu. a
n-<b>Inber Sgene</b>. Gabais <b>Erinn</b> iar sin amail indister a
nGapaloibh <b>Éirenn</b>.</p>
<p>Kl. Anno mundi iim ccc.lu. <i>A.M.2355</i> Hoc
tempore rogapsat <b>Fir Bolg</b> <b>Erinn</b> sed
non hoc probandum est.</p>
<p>Kl. Anno mundi <i>iim
cccxc</i> <i>A.M.2390</i>. Isan aimsirsi
rogabsat <b>Tuatha de
Danann</b> for <b>Feraib Bolg</b> .i. <b>Dealbaoth
Bress</b>, an <b>Dagda</b>, <b>Nuadha</b>,
ogass <b>Ogmha</b> & reliqui.</p>
<p>Kl. Anno mundi iim ccccc xliiii. <i>A.M.2544</i> <b>Néll mac
Fenios</b> in <b>Aegiptum</b> uenit peritus
multarum linguarum.</p>
<p><p>[Adcós úaim dhuiu, a
legnicch, nach fo lim saotur an tslecda so do graiffnedh orum, conadh airi
sin ailim oirbsi tre férchoigle gan mh'ingrim tríd, madh
tuigter lip cred fodera inn amlaidh, ór
as demin nach iad <b>clánn Fhirbhisigh</b> as cintach.]</p></p>
<p>Kl. Tocomla d<i>a</i>no <b>Milid
meic Bile</b> a h<b>Easbáin</b> don
<b>Scíthia</b> & as an <b>Scithia</b> a n-<b>Eigipt</b> iar
nguin <b>Refloir meic
Nemain</b> amail gaptur a n-<b>Gabalaib</b> {<b>Erenn</b>}
et na tuig gurob go gar iar <b>Nell</b> a
n-<b>Aegipt</b> acht ilbliadhna 'na diaig cena rainig
<b>Milidh</b> as in <b>Scithia</b> iar nguin
<b>Refloir</b> oc cosnamh flaithis na
<b>Scithia</b>. Céd mbarc a morcablach amail aithriusess an cairt
as ar tairrngedh an
chóipse. Cóig lanamna .x. gacha bairce & amus gan mnáoi inte. Ansat
tri mica a n-<b>Innsi Taprobana</b>, tri mis aile dano for fairge <b>Mara Ruaidhe</b> go
rancuttur go <b>Forann</b> go rig
<b>Aegipte</b>. Ro foghlaimsit saoirsi andusin. Ansat ocht mbliadna la <b>Forann</b> a
n-<b>Aegipt</b> arro silat a n-ildana & a n-ilgnioma. Luidh <b>Scota ingen
Forainn</b> go <b>Milidh mac
Bile</b>. Iar sin do chóidh <b>Milidh</b> cona
shluaigh for muir moir & <b>Scota ingen
Forainn</b> leis tar <b>Inis Taprobanae</b> et ansat
mís inte. Imrad iar sin timcioll na <b>Scíthia</b> do inber
<b>Mara
Caisp</b>. Ansat tost teora nomada for <b>Muir
Caisp</b> fria dord na
murduchánn condatesaircc <b>Caicer</b>
draoí. Raissit iarum seach rinn <b>Slebhe Rife</b> atuaidh gur
gabsat a n-<b>Dacia</b>. Ansad mís ann. Asbert <b>Caicer</b> draoi friú: ‘Ni anfam go risum
h-<b>Erinn</b>.’</p>
<p>Raissiot sec <b>Gothiam</b> sec <b>Germáin</b> do
<b>Bregainn</b> go ngabsat <b>Easbáin</b>. Ba folamh í ar
a ccionn. Ansat annsin xxx. bliadna & ro fégsit cethre catha ar caoca fri <b>Fresenu</b>
et
<b>Longbardu</b> & <b>Bachru</b> & ro mepaid uile re
<b>Milidh mac Bile</b>. Um cert n-<b>Espáine</b> ro fertha na catha sin
& as de sin ro hainmniccedh deisim <b>Milidh</b> <b>Espainne</b> & as inte ro
gensat da mac <b>Milidh</b> .i. <b>Eremon</b> et
h-<b>Érennan</b> it hé an da
shosur, an dá shinsior .i. <b>Donn</b> &
<b>Ebhir</b>, ar is tair ro genur <b>Donn</b> isin
<b>Scithia</b> & <b>Ebhir</b> a
n-<b>Aegipt.</b></p>
<p>Dus táinig tam aonlaithe in
<b><u>E</u>aspáin</b> .xii. lanamhna im a
ttri righu .i. <b>Milidh mac
Bile</b>, <b>Uige</b> & <b>Oige</b>. Tocumluid .xluii.
lanamna & cethre amuis la maccoiu <b>Milidh</b> et la
<b>Scoit ingen Forainn</b> for fairrge
docum <b>Erenn</b>. Do chuattur iarum do gabáil <b>Erenn</b> ig
<b>Inper Slaini</b>. Timcillsat <b>Erinn</b> fo tri gur gabsat fa deoigh a n-<b>Inber Sgene</b>. Do chuaid
<b>Erennán</b> soser mic <b>Milidh</b> isin ferna shiúil do desgin ca
erut uathu go tír. Adbath ann gur sgaoilset a baill um
cairrccibh & do bert a cenn a n-ucht a mathar ag ég & focerd
osnadh as. ‘Detber’ ar a mathair ‘fóid h-<b>Erennain</b> eder da inber sech ni rainicc inper
gus táinicc, ro sgar fris inper ó ttánicc.’ Isin lo
sin
tainic ainbtine úathmur & sgarus an barc a raib <b>Donn
mac Milidh</b> .l. fear & .xii. mnaoi & cetra hamais gur
baided ag na dumachaibh isin fairrgi thíar da n-apur <b>Tech
nDuinn</b>.</p>
<p>Día Dárdaoin for Kl. Maoí gabais tasgur mac <b>Milidh</b> <b>Erinn</b> in <b>Inber
Sgéne</b>, for .xuii. lunae & adbath ann ben <b>Aimergín
Glúingil</b> .i. <b>Sgene
Dauilsir</b>
& focres a fert ann unde <b>Inper Sgene</b> & focres fert
<b>Erennain</b> don leth ele.</p>
<p>Treas laithe iar ngabail a n-<b>Erinn</b> do
macoib <b>Milidh</b> ra cuirsit cath <b>Slebhe Mis</b>
fri demnaibh & fri <b>Fomorchaibh</b> & ro meabaidh ría
macoib <b>Milidh</b> & ro gabsat cennus
<b>Erenn</b> go haithgerr iarum & reliqua.</p>
<p><p>[Scuirim go aimsir oile & cuiredh an
ti togras les.]</p></p>
{MS folio 168rb(242b)}{MS folio 169va(245a)}{MS folio 171ra(248a)}{MS folio 173ra(252a)}{MS folio 173vb(253b)}{MS folio 174vb(255b)}{MS folio 175rb(256b)}{MS folio 175va(257a)}{MS folio 176ra(258a)}{MS folio 176vb(259b)}{MS folio 177rb(260b)}{MS folio 179rb(264b)}{MS folio 182ra(270a)}{MS folio 191ra(284a)}{MS folio 192ra(286a)}{MS folio 192rb(286b)}{MS folio 193ra(288a)}{MS folio 194ra(290a)}{MS folio 331}<h3 align="center"><a href="?x=http://celt.ucc.ie../G100016.html">The complete text for non-framing browsers</a></h3>
