Kensturieg

Ur c'hensturieg zo ur pevarzueg dezhañ daou zaouad tuioù ragenep kenstur.

Dezverkoù

Ur pevarzueg rez a zo ur c'hensturieg mard eo ha hepken mard eo gwir unan eus ar poentoù-se :

• Kenstur eo an tuioù eus pep hini eus e zaou zaouad tuioù ragenep (dre dermenadur).
• Keit ha keit eo an tuioù eus pep hini eus e zaou zaouad tuioù ragenep.
• Par eo ar c'hornioù eus pep hini eus e zaou zaouad kornioù ragenep.
• En o c'hreiz emañ poent kengej e ziv dreuzvegenn.
• Kenstur ha keit-ha-keit eo an tuioù eus unan eus e zaou zaouad tuioù ragenep.
• Skladus eo ar c'hornioù eus daou eus e zaouad kornioù kenheuilh.

Degouezhioù dibarek

Kensturiegoù zo o deus perzhioù dibarek.

• Ur skouergorneg eo ur c'hensturieg dezhañ ur c'horn serzh (par eo e bevar c'horn hag a zo kornioù serzh).
• Ul lankell eo ur c'hensturieg dezhañ daou du kenheuilh keit-ha-keit (keit-ha-keit eo e bevar zu).
• Ur c'harrez eo ur c'hensturieg dezhañ ur c'horn serzh ha daou du kenheuilh keit-ha-keit (par eo e bavar c'horn hag a zo kornioù serzh ha keit-ha-keit eo e bevar zu).

Amregenn ha gorreenn

Jediñ an amregad

Bezet a ha b daou du kenheuilh eus ur c'hensturieg, gallout a reer jediñ e amregad A :

$A=2(a+b)$.

Jediñ ar gorread

Bezet d diaz ur c'hensturieg hag s e sav, gallout a reer jediñ e c'horread G :

$G=d\times s$.