ফরাসি সাহিত্য
শিল্পর তীর্থভূমি ফ্রান্স,সাহিত্যর তীর্থভূমি ফ্রান্স, পৃথিবীর নানান দেশর কবি শিল্পীর হপনহান ফ্রান্স। বর্তমান যুগে এহানাৎ ফরাসি কবিতার শ্রেষ্ঠত্বল আকগৈয়ো প্রশ্ন না তুলতারা।ফরাসি রোমান্টিক কাব্য আন্দোলন সময়র বারাদেৎত চেইলেগা ইংরেজি রোমান্টিক আন্দোলনর অনুগামী অইলেউ উহানর প্রভাব কাব্যিক সংবেদনরে আরাকৌ শক্তিশালী করে প্রকাশ করেছে। ঔতার পিছেদেৎত আধুনিক কাল এহানাৎ কাব্য যে যে নুয়া পথ লছে ঔতা হাবির উৎসর্গ ফ্রান্স।ফরাসি কবিতার এরে ভূমিকা এহান আরম্ভ অছেতা ১৯শ শতাব্দীৎ । ঔবাকাৎত আজিপেয়া প্রায় হাবি কাব্য আন্দোলন ফ্রান্সেৎত অকরিয়া পৃথিবীহান হাবি সিতারেছে। বোদলেয়ার, মালার্মে, ভেরলেন ,রেবোঁ, ভালেরি, আপেলিনেয়ার, প্যার্স, এলুয়ার,আরাগঁ আজি সমগ্র পৃথিবীর কবি।
১ম বিশ্বযুদ্ধর পিছদে সুইজারল্যান্ডর জুরিখ শহরে ত্রিস্তান জারা বুলিয়া উদ্বাস্তু আগৈ সাহিত্য আন্দোলন হান বুলিয়া লৌদালৌদি অকরল। আন্দোলন ঔহানর নাঙ দিলতা ডাডা।এরে আন্দোলন এহানর উদ্দেশ্যে নেই,ইমে নৈরাজ্য সৃষ্টি করানি।জারা সাহিত্য শিল্পর তীর্থভূমি প্যারিসে আহিল।ঔবাকা আঁদ্রে ব্রেতোঁ প্যারিসে সাহিত্য বুলিয়া পত্রিকা আহান নিকালার। জারার দলহানে বার ব্রেতোর দলহানে তিলৈলা। ১৯২৪ এ ব্রেতো জারা-রাংত খেয়য়া নুয়া শিল্প আন্দোলন অকরল। প্রকাশিত অইল সুররিয়ে লিমমর ইস্তেহার। সুররিয়েলিজমর প্রভাব সমগ্র পৃথিবীৎ পড়িল। সুররিয়েলিজমে গদ্যরাংত উদ্ধার করে দিল কবিতারে।