Sahang
| ?Lada | ||||||||||||||
|---|---|---|---|---|---|---|---|---|---|---|---|---|---|---|
 sahang
| ||||||||||||||
| Klasifikasi ilmiah | ||||||||||||||
| ||||||||||||||
| Ngaran binomial | ||||||||||||||
| Piper nigrum L. |
Sahang, dipinandui jua lawan ngaran merica atawa lada, baisi ngaran Latin Piper nigrum adalah sabuting tanaman nang banyak baisi kandungan kimia, nang kaya minyak sahang, minyak lamak, lawan pati.[1] Sahang baisi sifat sadikit pahit, padas, langat kuku, wan antipiretik.[1] Tanaman ngini hudah mulai ditamuakan wan dipinandui mulai puluhan abad mang dahulu.[2] Kabiasaannya urang sakadar tahu lawam sahang putih wan sahang hitam nang rancak dipakai sabagai bumbu dapur.[2] Tanaman ngini merupakan salah sabuting komoditas pardagangan dunia wan labih pada 80% hasil sahanh Indunisia diékspor ka nagara luar.[3] Lain pada ngitu, sahang baisi galaran The King of Spice (Raja Rarampah) nang mana kaparluan lada di dunia tahun 2000 mancapai 280.000 ton.[3] Sahang adalah salah sabuting tanaman nang bakambang biak lawan biji, tapi banyak buhan paletani takatuju mamakai teknik penyetekkan gasan mangambangakannya.[4] Buhannya manatak batangnya kira-kira lawan panjang 0,25-0,5 meter.[4]
Bagian-Bagian Tanaman
[babak | babak asal-mulanya]Batang
[babak | babak asal-mulanya]Batang tanaman sahang tumbuh marambat di sabuting tihang, takananya jua manjalar di tanah.[2] Panjang batang kawa sampai 15 meter, tapi dalam budi daya tanaman sahang, biasanya batang pacangan ditatak wan sakadar manyisaakan sakitar 275-300 senti meter.[2] Bantuk batang di tanaman sahang baruas-ruas nang kaya tanaman tebu wan panjang ruas bukunya bakisar 4–7 cm, hal ngini tagantung lawan tingkat kasuburan.[2] Panjang ruas buku pas pangkal biasanya tahandap dibanding lawan ruas nang baandak di tangah atawa hujung, amun ukuran diameternya rata-rata baisi ukuran 6–25 mm.[2]
Akar
[babak | babak asal-mulanya]Akar nang ada ditanaman sahang marupakan imiliki akar tunggang tapi hirip nang kaya akar serabut.[2] Ukurannya halus-halus wan kada panjang nang kaya akar tunggang biasanya.[2] Sasuai lawan janisnya, akar tanaman ngini dilainakan jadi dua macam, yaitu akar lekat wan akar tanah.[2] Akar lekat adalah akar nang tumbuh di satiap ruas buku nang ada di parmukaan tanah wan baisi panjang rata-rata 2,5-3,5 cm.[2] Dalam sabutinh ruas buku bisa tumbuh sabanyak 10-25 hijir akar.[2] imbah ngitu akar tanah adalah akar nang tumbuh di batang tanaman sahang nang baandak di dalam tanah.[2] Matan sabuting suku batang kawa tumbuh sakitar 10-20 hijir akar.[2]
Cabang
[babak | babak asal-mulanya]_fruits.jpg)
Tanaman ngini baisi dua buting macam sahang, yakni cabang orthotrop wan cabang pang plagiatrop.[2] Lamun cabang orthotrop adalah cabang nang tumbuh matan katiak daun di buku batang baik nang baandak di parmukaan atawa jua di dalam tanah.[2] Imbah ngitu, cabang pang plagiatrop marupakan cabang nang tumbuh matan buku dahan.[2] Biasanya cabang ngini pacangan tumbuh imbah tanaman sahang babuah sabanyak dua kali.[2] Amum makin banyak buku dahan nang ditumbuhi ulihnya, maka makin banyak buahnya kaina.[2]
Dahan
[babak | babak asal-mulanya]Ukuran panjang dahan tanaman lada bakisar antara 35–65 cm.[2] Dahannya tumbuh sacara vertikal, tapi kaina baubah jadi horisontal imbah buahnya hudah mulai tuha awn masak.[2] Hal ngini maulah dahan tanaman ngini bagantung maraga dipangaruhi ulih barat buah nang tumbuh di dahan ngitu.[2] Dahan parlu dijaga sakira tumbuh normal maraga baisi fungsi utama, yakni sawagai média patumbuhan kambang wan buah.[2]
Daun
[babak | babak asal-mulanya]Daun tanaman sahang babantuk bulat intalu, tapi ujungnya maruncing.[5] Pas balahan atas, daun bawarna hijau tuha mangkilat, lamun nang bawah bawarna hijau pucat.[5] panjangnya kawa sampai 12–18 cm lawan ukuran lebar 5–10 cm.[5] Daun pacangan baisi ukuran tapanjang amun baandak di batang bagian atas, kaya itu jua sabaliknya.[5] Biasanya kuncup daun sahang tabungkus ulih kalopak (sisik), amum inya mangambang, maka guguranai kalopak ngintu. Lain pada nang ngintu, daun tanaman ngini sifatnya kenyol wan batangkai.[5]
Tautan luar
[babak | babak asal-mulanya]- Nutritional benefits of Black Pepper
- Gernot Katzer's Spice Pages Archived 2007-09-30 at the Wayback Machine
- Plant Cultures: History and botany of black pepper in South Asia Archived 2006-10-18 at the Wayback Machine
Catatan batis
[babak | babak asal-mulanya]- ^ a b Permadi, Adi (2008). Membuat Kebun tanaman Obat.Jakarta:Pustaka Bunda. Cet. 1 Hal 37
- ^ a b c d e f g h i j k l m n o p q r s t u v T., Sarpian (2003).Pedoman Berkebun Lada dan Analisis Usaha Tani.Yogyakarta:Penerbit Kanisius. Hal 22-27
- ^ a b Rukmana, Rahmat(2003).Tanaman Perkebunan: Usaha Tani Lada Perdu.Yogyakarta:Penerbit Kanisius. Hal 7
- ^ a b Suryatini (2008).Dapur Naga di Indonesia.Jakarta:PT Gramedia Pustaka Utama. Hal 106
- ^ a b c d e Agraris Kanisius, Aksi(2005).Bercocok Tanam Lada.Yogyakarta: Penerbit Kanisius. Hal 16 Cet. 15
Bibliografi
[babak | babak asal-mulanya]- Dalby, Andrew (2002). Dangerous Tastes. Berkeley: University of California Press. ISBN 978-0-520-23674-5.
- Davidson, Alan (2002). Wilder Shores of Gastronomy: Twenty Years of the Best Food Writing from the Journal Petits Propos Culinaires
. Berkeley: Ten Speed Press. ISBN 978-1-58008-417-8. - Jaffee, Steven (2004). "Delivering and Taking the Heat: Indian Spices and Evolving Process Standards" (PDF). An Agriculture and Rural Development Discussion Paper. Diarsipkan dari versi asli (PDF) tanggal 3 March 2016. Diakses tanggal 27 October 2005.
- McGee, Harold (2004). "Black Pepper and Relatives". On Food and Cooking (edisi ke-Revised). Scribner. hlm. 427–429. ISBN 978-0-684-80001-1. OCLC 56590708.
- Prasad, Anshuman (2003). "The Gaze of the Other: Postcolonial Theory and Organizational Analysis". Dalam Prasad, Anshuman. Postcolonial Theory and Organizational Analysis: A Critical Engagement. New York: Palgrave Macmillan US. hlm. 3–43. ISBN 978-1-4039-8229-2.
- Turner, Jack (2004). Spice: The History of a Temptation. London: Vintage Books. ISBN 978-0-375-70705-6. OCLC 61213802.
- Young, Gary K. (2001). Rome's Eastern Trade. ISBN 0-415-24219-3.
