Guntung
Guntung atawa Anak Sungai adalah aliran banyu nang baasal matan wilayah tartantu wan mangalir ka sungai utama atawa sungai induk nang taganal. Biasanya buhannya baisi sumber banyu kaya mata air, salju nang cair, atawa hujan nang dikumpulakan di dataran tinggi atawa gunung.[1] Sairing lawan aliran banyu, anak sungai biasanya bagabung lawan sungai utama, manambahi volume banyu nang mangalir di dalamnya wan mambari kontribusi pada suplai banyu sistim sungai sabarataann.
Dalam basa Inggris, istilah gasan "guntung" adalah tributary nang marujuk pada aliran banyu nang mangalir ka sungai utama atawa sungai induk.[2]
Sistem sungai kawa dipinandui sabagai jaringan nang tadiri matan batang banyu wan guntung. Batang banyu adalah aliran banyu utama nang biasanya taganal wan panjang, sadangkan guntung labih halus wan baasal matan wilayah tartantu. Guntung kawa tadiri matan babarapa tingkatan, lawan babarapa guntung nang labih halus nang bagabung gasan mambantuk guntung nang taganal sabalum akhirnya mangalir ka batang banyu.[3]
Daerah Aliran Sungai
[babak | babak asal-mulanya]
Dalam konteks Daerah Aliran Sungai, guntung marupakan sumber utama aliran banyu nang maisi sungai induk. Guntung nang baandak di babagai bagian DAS akan mambawa banyu matan wilayah ngitu wan manggabungakan ka dalam aliran nang taganal di sungai utama.[3]
Pembentukan Tata Air DAS: Daerah Aliran Sungai adalah unit hidrologi nang utuh, nang mancakup sungai induk beserta samunyaan anak sungai. Sabarataan kagiatan wan proses di dalam DAS bapangaruh ka kasihatan sungai utama wan anak sungai. Kagiatan di hulu DAS, nang kaya penebangan hutan, pertanian, wan parumahan, kawa mampangaruhi aliran banyu wan kualitas banyu nang mangalir ka sungai utama malalui anak sungai.
Kagunaan matan Ekosistim
[babak | babak asal-mulanya]Guntung mambantuk bamacam jenis ekosistem banyu di dalam DAS. Masing-masing anak sungai baisi ciri-ciri unik, tamasuk janis tanaman, satua, wan kondisi lingkungan nang lain. Ekosistem di anak sungai mambari habitat gasan banyak organisme banyu wan berperan dalam mampartahankan kasaimbangan ekosistem sacara kasaluruhan.[4]
Jujuhutan
[babak | babak asal-mulanya]- ^ Reis, Kathryn (2023-11-21). "Tributary | Definition, Landforms & Examples". study.com. Diakses tanggal 2024-10-23.
- ^ "Water Resources Glossaries". water.usgs.gov. Diakses tanggal 2024-10-23.
- ^ a b "Sistem Sungai". LIMNOLOGI FPIK UB (dalam bahasa Indonesia). 2013-07-15. Diakses tanggal 2024-10-24.
- ^ "DAS dan Pengelolaannya (1)". BebasBanjir2015 (dalam bahasa Indonesia). 2008-09-04. Diakses tanggal 2024-10-24.