Bulgari

Kiblik Bulgari
Република България (Bulgari)
Republika Bǎlgariya

Ibu negeri

Sopia

Nama pengendek

Bulgar, Bulgari

Bulgari atawa Bulgeré (hurup Arab Gundul: بلغارى atawa بلݢارى; Bulgari: България Bălgariya) atawa resminya Kiblik^[1] Bulgari (hurup Arab Gundul: کبليک بلغارى atawa کبليک بلݢارى; Bulgari: Република България Republika Bălgariya) ada atu negara di Èropa belah kidul-wètan, pasnya di Semenanjung Balkan. Bulgari entu ada di kidulnya Kali Dono èn di kulonnya Laot Item. Di bekidulnya Bulgari ada Turki bilangan Èropa, Yunani, èn Makèdoni Lor. Di blèlirnya Kali Dono ada Ruméni, sementara di bekulonnya Bulgari ada Sèrwi.

Dia punya hopstad^[2] ama kota paling gedénya entu Sopia. Dia punya duit ada namanya lèp (hurup Arab Gundul: لف; basa Bulgari: лев lev). Bulgari punya guwernemèn entu anggota Uni Èropa èn NATO. Bulgari punya jumblah penduduk entu ada lebi deri 7 jutaan orang.

Bulgari ada punya dia punya basa sendèwèk, nama basa Bulgari. Ni basa atu macem deri basa-basa Slawen nyang barang tentu ada bekaètan ama basa Sèrwi èn basa Rus.

Adapun orang Bulgari digero'nya orang Bulgar (hurup Arap Gundul: اورڠ بلغار).

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.)
↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.)

[2] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]

[2]