Пол Мілграм

Пол Мілграм
англ.: Paul Milgrom
Дата нараджэння	20 красавіка 1948(1948-04-20) (76 гадоў)
Месца нараджэння	Дэтройт, акруга Уэйн, Мічыган, ЗША
Грамадзянства	ЗША
Род дзейнасці	эканаміст, выкладчык універсітэта, навуковы работнік
Навуковая сфера	эканоміка
Месца працы	Стэнфардскі ўніверсітэт
Навуковае званне	Shirley R. and Leonard W. Ely, Jr. Professorship in the School of Humanities and Sciences[d]
Альма-матар	University of Michigan College of Literature, Science, and the Arts[d] Стэнфардскі ўніверсітэт (1 чэрвеня 1978) Oak Park High School[d]
Навуковы кіраўнік	Роберт Уілсан
Член у	Нацыянальная акадэмія навук ЗША Амерыканская акадэмія мастацтваў і навук Эканаметрычнае таварыства[d]
Узнагароды	Прэмія Эрвіна Плейна Немерса па эканоміцы[d] (2008) BBVA Foundation Frontiers of Knowledge Award[d] (2012) член Эканаметрычнага таварыства[d] (1983) член Амерыканскай акадэміі мастацтваў і навук Savage Award[d] (1980) грант Гугенхайма прэмія Джона Карты[d] (2018) Fisher-Schultz Lecture[d] Clarivate Citation Laureate[d] (2007)
Сайт	profiles.stanford.edu/… (англ.)
Медыяфайлы на Вікісховішчы

Пол Роберт Мілграм (англ.: Paul Robert Milgrom; нар. 20 красавіка 1948(1948-04-20), Дэтройт, Мічыган) — амерыканскі эканаміст, лаўрэат прэміі па эканоміцы імя Альфрэда Нобеля (2020) (разам з Робертам Уілсанам) за «удасканаленне тэорыі аўкцыёнаў і вынаходніцтва іх новых фарматаў».

Біяграфія

Нарадзіўся 20 красавіка 1948 года ў Дэтройце, штат Мічыган. Яго бацька — Абрам Ісаак Мілграм (1914—1989), выхадзец з Таронта, быў маляром; маці — Ганна Ліліян Мілграм (народжаная Фінкельштэйн, 1917—1997) была хатняй гаспадыняй. Бацькі паходзілі з сем’яў яўрэйскіх эмігрантаў з Расіі. У сям’і расло чацвёра сыноў. Калі ён быў дзіцем сям’я пераехала ў Оўк Парк, дзе Пол скончыў сярэднюю школу.

Атрымаў ступень бакалаўра па матэматыцы з адзнакай у Мічыганскім універсітэце у 1970 годзе, ступень магістра навук па статыстыцы ў 1978 годзе ў Стэнфардскім універсітэце. Быў ганараваны доктарскай ступені (PhD) па бізнэсе ў Стэнфардскім універсітэце ў 1979 годзе.

Выкладчыцкую дзейнасць пачаў на пасадзе асістэнта-прафесара ў 1979—1981 гадах, асацыяваным прафесарам у 1981—1982 гадах, прафесарам у 1982—1983 гадах на факультэце эканомікі кіравання і прыняцця рашэнняў у Келагскай школе менеджменту пры Паўночна-Заходнім універсітэце. Затым выкладаў у Ельскім універсітэце у якасці запрошанага прафесара у 1982—1983 гадах, прафесара эканомікі і менеджменту ў 1983—1985 гадах, Уільямс Бразерс прафесара менеджменту і прафесара эканомікі ў 1985—1987 гадах. Пасля выкладаў у Стэнфардскім універсітэце на пасадзе прафесара эканомікі з 1987 года, дырэктара Стэнфардскага Інстытута тэарэтычнай эканомікі ў 1989—1991 гадах, Шырлі і Леанард Элі-малодшы прафесара гуманітарных і прыродазнаўчых навук з 1993 года, старэйшага навуковага супрацоўніка Стэнфардскага інстытута даследаванняў эканамічнай палітыкі з 2007 года.

У 1996 годзе прачытаў замест памерлага Уільма Вікры лекцыю на цырымоніі ўручэння Нобелеўскай прэміі. Быў прэзідэнтам Міжнароднай заходняй эканамічнай асацыяцыі у 2007 годзе.

З’яўляецца членам Амерыканскай акадэміі мастацтваў і навук з 1992 года, абраным членам Нацыянальнай акадэміі навук ЗША з 2006 года, членам з 1980 года, а ганаровым фела з 2020 года Амерыканскай эканамічнай асацыяцыі, абраны фела Таварыства тэорыі гульняў з 2017 года, абраны фела групы па тэорыі фінансаў з 2017 года, фела Эканаметрычнага таварыства з 1984 года, членам Таварыства актуарыяў з 1974 года.

Сям’я

Другім шлюбам (з 2000 года) жанаты на Еве Меерсан Мілграм. Мае дваіх дзяцей ад першага шлюбу — Джошуа Терстан Мілграм і Элана Терстан Мілграм.

Узнагароды

За свае дасягненні быў неаднаразова узнагароджаны:

• 2007 — грант ад Нацыянальнага навуковага фонду за працу «Рынкавы дызайн»;
• 2007 — Clarivate Citation Laureates;
• 2008 — прэмія Эрвіна Плэйна Немерса ў галіне эканомікі;
• 2012 — BBVA Foundation Frontiers of Knowledge Award па эканоміцы, фінансах і менеджменце;
• 2014 — прэмія «Залаты гусь»;
• 2015 — грант за працу «Дызайн аўкцыённага рынку» ад Нацыянальнага навуковага фонду;
• 2017 — прэмія дэкана «за выбітны педагагічныя дасягненні ў галіне вышэйшай адукацыі» ад Школы гуманітарных і прыродазнаўчых навук Стэнфардскага ўніверсітэта;
• 2017 — прэмія за інавацыйныя колькасныя прыкладання ад Чыкагскай таварнай біржы і Навукова-даследчага інстытута матэматычных навук;
• 2018 — прэмія Джона Карці «за развіццё навукі» ад Нацыянальнай акадэміі навук ЗША;
• 2020 — прэмія па эканоміцы імя Альфрэда Нобеля.

Спасылкі

• Старонка П. Мілграма на сайце Стэнфардскага ўніверсітэта